জুৱা খেল চলি থকাৰ খবৰ গোপন সূত্ৰ লাভ কৰাৰ পাছত জিলা সদৰৰ উপ আৰক্ষী অধীক্ষকৰ নেতৃত্বত সদৰ আৰক্ষী লোকৰ এটা দলে আবেলি ৩ বজাত মাধব ৰোডৰ নাগাপট্টিত অভিযান চলাই নগদ ধন আৰু জুৱাৰ সৈতে জৰিত ভালেমান বস্তু বাহানি জব্দ কৰে।
৫-৬ খন ভিন্ন ভিন্ন দোকানত একেলগে অভিযান চলাই আৰক্ষীয়ে ১,০০ সংখ্যক তীৰৰ টিকটৰ বহী, ৩টা কেলকুলেটৰ, ২খন ক্লীপবোৰ্ড, ৭টা তীৰ পঞ্জীয়ন বহী, ১০খন তীৰৰ শেষ নম্বৰৰ তালিকা, ৩টা লেপটপ, নগদ ৪,৮০০ টকা, ১,০০০খন তীৰৰ টিকটৰ বহী থকা এটা ষ্টীলৰ বাকছ। তীৰৰ জুৱাৰ সৈতে জড়িত ৮জন লোককো আৰক্ষীয়ে গ্ৰেপ্তাৰ কৰিবলৈ সক্ষম হৈছে। গ্ৰেপ্তাৰ হোৱা লোককেইজন হৈছে (১) ৰঞ্জীত সাহা, (২) ছিৰাজুদ্দিন চৌধুৰী, (৩) ছফিকুৰ ৰহমান ছদিয়াল, (৪) বন্তি বইদকাৰ, (৫) মাৰু দাস, (৬) ৰূপেশ কুমাৰ সিং, (৭) জাহিৰ উল ইছলাম বৰভূঞা আৰু (৮) আব্দুল মিঞা।
অসম ক্ৰীড়া আৰু বাজি নিষিদ্ধ আইনৰ ধৰা ৪/১৫ৰ অধীনত আৰক্ষীয়ে লোককেইজনৰ বিৰুদ্ধে ১৩১৫/১৮ অভিযোগ নম্বৰত এটা গোচৰ ৰুজু কৰিছে।
