ডিব্ৰুগড়ত হোৱা ক্ৰিকেট প্ৰতিযোগিতাৰ খেলত জয়ী গুৱাহাটী টাউন ক্লাব আৰু ডিব্ৰুগড় ক্ৰিকেট প্ৰশিক্ষণ কেন্দ্ৰ

ডিব্ৰুগড়ত হোৱা ৩য় সংখ্যক জে’ কে’ এম সদৌ ভাৰত ক্ৰিকেট প্ৰতিযোগিতাৰ আজিৰ খেলত গুৱাহাটী টাউন ক্লাব আৰু ডিব্ৰুগড় ক্ৰিকেট প্ৰশিক্ষণ কেন্দ্ৰই বিজয় সাব্যস্ত কৰিছে।

ডিব্ৰুগড় ক্ৰিকেট ক্লাবে গুৱাহাটীৰ চিটি ক্ৰিকেট প্ৰশিক্ষণ কেন্দ্ৰক ১০ ৰানত পৰাজিত কৰে।

প্ৰথমে বেট ধৰাৰ সিদ্ধান্ত লৈ ডিব্ৰুগড়ৰ দলটোৱে ২০ অ’ভাৰত ৭ টা ৱিকেট হেৰুৱাই ১২৭ ৰান সংগ্ৰহ কৰে। দলটোৰ হৈ চাওমিন চাওখাও বৰুৱাই ২৬ টা বলত ৫৩ ৰান আৰু দেৱাঞ্জন তিনচিনাই ২৫ ৰানৰ বৰঙনি আগবঢ়াই।

প্ৰতিদ্বন্দ্বী গুৱাহাটী দলটোৰ হৈ ৰোহিত ৰাওনিয়াৰ আৰু দেৱাশিস শইকীয়াই ১৮ আৰু ৬ ৰানৰ বিনিময়ত দুটাকৈ ৱিকেট দখল কৰে।

প্ৰত্যুত্তৰত গুৱাহাটীৰ দলটোৱে ২০ অ’ভাৰত ৮টা ৱিকেট হেৰুৱাই ১১০ ৰানহে কৰিবলৈ সক্ষম হয়। দলটোৰ হৈ সুনীল গগৈয়ে ৩৭টা বলত ৩১ আৰু ৰাহুল হাজৰিকাই ২২ ৰান কৰে।

ডিব্ৰুগড় দলটোৰ হৈ দিপেন গগৈয়ে ৪টা আৰু সুনীল লাচিতে ২টা ৱিকেট দখল কৰে। দিপেন গগৈক শ্ৰেষ্ঠ খেলুৱৈ ঘোষণা কৰা হয়।

আনখন খেলত গুৱাহাটী টাউন ক্লাবে ফিনিক্স ক্ৰিকেট ক্লাবক ২ ৱিকেটত পৰাজিত কৰে।

প্ৰথমে বেট ধৰি ফিনিক্সে ২০ অ’ভাৰত ১০২ ৰান সংগ্ৰহ কৰে। দলটোৰ হৈ নাছিৰ উল্লাহে ৩৩টা বলত ৩৩ ৰান কৰে।

টাউন ক্লাবৰ হৈ সীমাব্ত নেওগীয়ে ৪টা ৱিকেট দখল কৰে।

প্ৰত্যুত্তৰত টাউন ক্লাবে ৮টা ৱিকেটৰ বিনিময়ত ১০৭ ৰান কৰে। দলটোৰ হৈ গোবিন্দ ৰাজবংশী আৰু নয়নজ্যোতি ডেকাই ২২ ৰানকৈ সংগ্ৰহ কৰে।

ফিনিক্সৰ হৈ ৰাজিন্দৰ লালে ৩টা ৱিকেট লয়।

ডিব্ৰুগড় ক্ৰিকেট ক্লাবে এই প্ৰতিযোগিতাখনৰ আয়োজন কৰিছে।