অৰুণাচল প্ৰদেশৰ টুটিঙত অনুষ্ঠিত হয় শ্ৰমিক কল্যান আঁচনিৰ সজাগতা শিবিৰ

অৰুণাচল প্ৰদেশ বিল্ডিং আৰু অন্যান্য নিৰ্মাণ শ্ৰমিক কল্যান বোৰ্ড(এপিবিএণ্ডওচিডব্লিউডব্লিউবি)ৰ উদ্যোগত অৰুণাচল প্ৰদেশৰ টুটিং চলুং খেল পথাৰত এক শ্ৰমিক সজাগতা শিবিৰৰ আয়োজন কৰা হয়।

শ্ৰমিকসকলৰ বাবে বোৰ্ডে আগবঢ়োৱা বিভিন্ন সা-সুবিধা তথা তেওঁলোকৰ অধিকাৰ সমূহৰ বিষয়ে তথা শ্ৰমিক কল্যান আঁচনিৰ বিষয়ে অৱগত কৰোৱাৰ মূল উদ্দেশ্যেৰে এই শ্ৰমিক শিবিৰৰ আয়োজন কৰিছিল।

সজাগতা শিবিৰৰ অনুষ্ঠানত উপস্থিত থকা টুটিং জিলাৰ অতিৰিক্ত উপায়ুক্ত কবিত আপাঙে এনেধৰণৰ শিবিৰৰ আয়োজন কৰা বাবে বোৰ্ডক ধন্যবাদ জনায়। আৰু লগতে এখন ৰাজ্য বা দেশ নিৰ্মানত এই শ্ৰমিক সকলে গুৰুত্বপূৰ্ণ ভূমিকা গ্ৰহণ কৰে বুলিও তাৎপৰ্যমূলক মন্তব্য আগবঢ়ায়। শ্ৰমিক সকল হ’ল মানৱ কাৰক আৰু উন্নয়নত এই কাৰকে প্ৰধান ভূনিকা গ্ৰহণ কৰে।

কাৰিকৰী দিশত উন্নত আৰু জ্ঞানী শ্ৰমিক সকল এখন দেশৰ মেৰুদণ্ডৰ দৰে কাম কৰে। দক্ষ শ্ৰমিক সকলে দেশৰ দুৰ্লভ প্ৰাকৃতিক সম্পদ সমূহৰ সঠিক ব্যৱহাৰ কৰে বুলিও তেওঁ মন্তব্য কৰে।

তেওঁ আৰু কয় যে সৎ, আন্তৰিকতা, কঠোৰ পৰিশ্ৰমী আৰু জ্ঞানী শ্ৰমিক সকলে দেশৰ উন্নয়নৰ গতি তৰাণ্বিত কৰাত ব্যাপক সহায় কৰে।

এই শিবিৰতে বোৰ্ডৰ হৈ অতিৰিক্ত উপায়ুক্তগৰাকীয়ে ৪০০ তকৈও অধিক শ্ৰমিকৰ মাজত টিভি, কম্বল, ৰেইন কোট আদি বিতৰণ কৰে।

টুটিং পঞ্জীয়ন বিষয়া অৰ’ টাগ্গুৱে শিবিৰত উপস্থিত থকা সকলো প্ৰকাৰৰে শ্ৰমিকক বোৰ্ডৰ ফালৰ পৰা সকলো সুবিধা লাভ কৰাৰ বাবে নিজৰ নিজৰ নাম সমূহ বোৰ্ডত পঞ্জীয়ন কৰিবলৈ আহ্বান জনায়।

ইয়াৰ উপৰি তেওঁ বোৰ্ডৰ অধ্যক্ষ জেলি ছোনম আৰু শ্ৰম আয়ুক্ত তথা সচিব ওজিং দৰুইৰিঙে শ্ৰমিক সকলৰ জীৱন ধাৰণৰ মানদণ্ড উন্নত কৰাৰ বাবে গ্ৰহণ কৰা বিভিন্ন কল্যানকামী আঁচনিৰ বাবে ধন্যবাদ জ্ঞাপন কৰে।

শ্ৰমিক সজাগতা শিবিৰত ছোনম ফাণ্টচক, জয়া কম্বোৰ লগতে য়াৰি টালি আদি বহুতো বিভাগীয় বিষয়া উপস্থিত আছিল।