আইটিবিপিৰ উত্তৰ পূব সীমান্তৰ প্ৰধান কাৰ্যালয়ৰ মহাপৰিদৰ্শক মনোজ সিং ৰাৱটৰ অৰুণাচলৰ মুখ্য মন্ত্ৰীক সাক্ষাৎ

বৃহস্পতিবাৰে ভাৰত-তিব্বতীয় সীমান্ত আৰক্ষী চমুকৈ আইটিবিপিৰ উত্তৰ পূব সীমান্ত প্ৰধান কাৰ্যালয়ৰ মহা পৰিদৰ্শক মনোজ সিং ৰাৱটে অৰুণাচলৰ মুখ্য মন্ত্ৰী পেমা খাণ্ডুক তেওঁৰ কাৰ্যালয়ত সাক্ষাৎ কৰে।

আলোচনা কালত দুয়োগৰাকীয়ে অৰ্ধ-সামৰিক বাহিনীত অৰুণাচলী যুৱকক নিয়োজিত কৰা বিষয়ৰ ওপৰত আলোচনা কৰে।

মুখ্য মন্ত্ৰীগৰাকীয়ে কয় যে আইটিবিপিত অৰুণাচলী যুৱকক ভৰ্তি কৰিলে তেওঁলোকৰ পাহাৰীয়া স্থান সম্পৰ্কে স্পষ্ট ধাৰণা থকা হেতুকে আইটিবিপিক অপ্ৰতিৰেধ্য কৰি তুলি তেওঁলোকে দেশসেৱালৈ অসামান্য অৱদান দিব পাৰিব।

তেওঁ আৰু কয় যে বাহিনীটোত অৰুণাচলী যুৱকক নিয়োগ কৰিলে এটা এয়া স্থানীয় নিয়োজন সম্ভৱ কৰাৰ লগতে অৰুণাচলত স্থায়ীভাৱে থকা বাহিনীটোৱে সমাজলৈকেও অৱদান আগবঢ়োৱা হ’ব।

আইটিবিপিৰ মহা পৰিদৰ্শকগৰাকীয়ে মুখ্য মন্ত্ৰীক অৱগত কৰিছে যে  স্থানীয় যুৱকসকলক যাতে বাহিনীটোত নিয়োগ কৰা হয়, তাৰ বাবে তেওং যথোচিত ব্যৱস্থা গ্ৰহণ কৰিব।

উল্লেখ্য যে স্থানীয় যুৱকসকলে যাতে ইয়াত নিয়োজিত হ’বলৈ যোগ্য হৈ উঠে তাৰ বাবে আইটিবিপিয়ে প্ৰশিক্ষণ কাৰ্যসূচী গ্ৰহণ কৰি আহিছে।