কোকৰাঝাৰ জিলা সাংস্কৃতিক সন্থাৰ অধিবেশন: পৰম্পৰাগত বাদ্য-বাজনা আৰু নৃত্যৰ প্ৰদৰ্শন

কোকৰাঝাৰ চহৰৰ গুৰুদেৱ কালিচৰন ব্ৰহ্ম ৰ’ডস্থিত নিজ কাৰ্যালয়ৰ প্ৰাংগণত আজি দিন জোৰা বৰ্ণিল কাৰ্য্যসূচীৰে অনুস্থিত হয় কোকৰাঝাৰ জিলা সদৌ বড়ো সাংস্কৃতিক সন্থাৰ ১১তম বাৰ্ষিক অধিবেশন ।

কাৰ্য্যসূচী অনুসৰি, পুৱা সাংস্কৃতিক সংগঠনটোৰ কোকৰাঝাৰ জিলা সাংস্কৃতিক সন্থাৰ সভাপতি বিজিতগিৰি বসুমতাৰীয়ে সাংগঠনিক পতাকা উত্তোলন কৰে।

ইয়াৰ পিছতে সাংস্কৃতিক সাংগঠনটোৰ কাম- কাজ জড়িত থাকোতে মৃত্যুবৰণ কৰা শ্বহীদ সকলোলৈ প্ৰথম শ্ৰদ্ধাঞ্জলি অৰ্পন কৰে সাংস্কৃতিক সংগঠনটোৰ উপ সভাপতি যোগেশ্বৰ ব্ৰহ্মই।

পৰিৱৰ্তিত বড়ো জাতিৰ জাতীয় তথা সাংস্কৃতিক বাদ্য-বাজনা আৰু যুৱতী সকলৰ সাংস্কৃতিক নৃত্য প্ৰদৰ্শনেৰে মুখৰিত হৈ পৰে অধিবেশনথলী।

অধিবেশনত উপস্থিত থাকি সদৌ বড়ো সাংস্কৃতিক সংগঠনৰ জিলা সভাপতি বিজিতগিৰি বসুমতাৰীয়ে সংবাদ মাধ্যমৰ আগত সদৰি কৰে যে বড়ো জনগোষ্ঠীৰ মুল পৰিচয় সাংস্কৃতিক সংৰক্ষণৰ বাবে বড়ো সাংস্কৃতিক সন্থাই অহৰহ কাম কৰি আহিছে যদিও আৰ্থিক সংকটত পৰি সাংস্কৃতিক সংৰক্ষণ আৰু বিশ্ব দৰবাৰত প্ৰতিষ্ঠা কৰিবলৈ যিমান কাম কৰিব লাগিছিল তেনেকৈ কৰিব পৰা নাই।

আনহাতে, সংগঠনে সাংস্কৃতিক সম্পদসমূহ সংৰক্ষিত কৰাৰ বাবে বিভিন্ন কাৰ্য পন্থা ল’বলৈ আৰ্থিক পুঁজিৰ প্ৰয়োজন আছে। তেনে ক্ষেত্ৰত বি টি চি চৰকাৰৰ পৰাও যথেষ্ট পৰিমাণৰ আৰ্থিক সহায় পাবলৈ সক্ষম হোৱা নাই বুলি কয় সভাপতি গৰাকীয়ে।

উল্লেখযোগ্য যে দুপৰীয়া প্ৰতিনিধি সভা, সাংস্কৃতিক প্ৰতিযোগিতা অনুষ্ঠিত কৰাৰ পিছত সন্ধিয়া অনুষ্ঠিত হ’ব বাৰে বৰণীয়া সাংস্কৃতিক অনুষ্ঠান।