গুৱাহাটীৰ কলেজ অৱ ফিজিঅ’থেৰাপি এণ্ড মে’ডিকেল চাইন্সেজে সেৱা আগবঢ়ালে গুৱাহাটী প্ৰে’ছ ক্লাবত

জ্যেষ্ঠ ফিজিঅ’থেৰাপিস্ত ডঃ উজ্বল ভট্টাচাৰ্য্য আৰু ডঃ পূজা শইকীয়া ৰাজবংশীয়ে শনিবাৰে গুৱাহাটী প্ৰে’ছ ক্লাবৰ সাপ্তাহিক মীডিয়া ক্লিনিকত সেৱা আগবঢ়ায়।

ক্লিনিকটোত ২০ গৰাকীতকৈ অধিক অংশগ্ৰহণকাৰীয়ে গুৱাহাটীৰ বোন্দাৰ কলেজ অৱ ফিজিঅ’থেৰাপি এণ্ড মে’ডিকেল চাইন্সেজৰ এই দুই জ্যেষ্ঠ ফিজিঅ’থেৰাপিস্তৰ পৰা বিনামূলীয়া সেৱা আৰু বুকু, কান্ধ আৰু ডিঙিৰ বিষৰ চিকিৎসা গ্ৰহণ কৰে।

জ্যেষ্ঠ ফিজিঅ’থেৰাপিস্ত দুগৰাকীক সহযোগ কৰে দুই ফিজিঅ’থেৰাপি ছাত্ৰ জাহ্নু বুঢ়াগোহাঁই আৰু জ্যোতিষ্ময় দেৱ মহন্তই।

উল্লেখযোগ্য যে সংবাদকৰ্মী আৰু তেওঁলোকৰ পৰিয়ালৰ লোকসকলৰ সুবিধাৰ বাবে এই মীডিয়া ক্লিনিকটো আৰম্ভ কৰা হৈছিল।

যোৱা শনিবাৰে এই ‘চিকিৎসকৰ সৈতে এসন্ধ্যা’ (Evening with a Doctor) শীৰ্ষক এই ক্লিনিকটোত অংশগ্ৰহণ কৰিছিল গুৱাহাটীৰ স্ত্ৰী ৰোগ বিশেষজ্ঞ ডঃ প্ৰাণজিৎ বৰ্মনে।

গুৱাহাটীৰ বিভিন্ন চৰকাৰী-বেচৰকাৰী চিকিৎসালয়ৰ লগতে দেশৰো বহুবিলাক আগশাৰীৰ চিকিৎসালয়ে ইতিপূৰ্বে এই সাপ্তাহিক মীডিয়া ক্লিনিকটোত সেৱা আগবঢ়াইছে।