ত্ৰিপুৰাত পথ দুৰ্ঘটনাত গুৰুতৰভাৱে আহত এজন
ত্ৰিপুৰাৰ চিপাহীজলা জিলাৰ চাৰিলামত আজি এক পথ দুৰ্ঘটনাত এজন লোক গুৰুতৰভাৱে আঘাতপ্ৰাপ্ত হয়। আঘাতপ্ৰাপ্ত লোকজনক চাৰিলামৰ ৰাজীৱ কলনিৰ সন্তোষ নন্দীৰ পুত্ৰ ২৮ বছৰীয়া সঞ্জয় নন্দী বুলি চিনাক্ত কৰা হৈছে।
ঘটনাৰ বিৱৰণী মতে টি আৰ ০১ এ এ ১৬৫৩ নম্বৰৰ ট্ৰাকখনে সঞ্জয়ে চলাই অহা টি আৰ ০১ য়ু ১৮৩৪ নম্বৰৰ বলেৰ’ পিকআপখনক খুন্দা মৰাৰ ফলতে দুৰ্ঘটনাটো সংঘটিত হয়।
প্ৰত্যক্ষদৰ্শীৰ ভাষ্য অনুসৰি ট্ৰাকখনৰ নিয়ন্ত্ৰণহীন চালনৰ বাবেই দুৰ্ঘটনাটো সংঘটিত হয়।
আঘাতপ্ৰাপ্ত সঞ্জয় নন্দীক চিকিৎসাৰ বাবে ততাতৈয়াকৈ বিশ্ৰামগঞ্জ চিকিৎসালয়ত ভৰ্তি কৰোৱা হয়।