দুদিনীয়া ভ্ৰমণসূচী লৈ গুৱাহাটীত উপস্থিত আন্না হাজাৰে

অহা ২৩ ডিচেম্বৰৰ পৰা নতুন দিল্লীত জন লোকপাল বিল আৰু বিজেপি চৰকাৰে কৃষক বিৰোধী নীতিৰ বিৰুদ্ধে এক বিশাল আন্দোলন আৰম্ভ কৰিব বিশিষ্ট সমাজসেৱী তথা গান্ধীবাদী নেতা আন্না হাজাৰে। বিজেপি চৰকাৰৰ বিৰুদ্ধে আৰম্ভ কৰিব লগীয়া উক্ত আন্দোলনৰ পূৰ্বে এক দুদিনীয়া কাৰ্যসূচী লৈ অসম তথা অৰুণাচললৈ অহা গান্ধীবাদী নেতাজনে আজি আবেলি গুৱাহাটীৰ বৰঝাৰ বিমান বন্দৰত আহি উপস্থিত হয়হি। জানিব পৰা মতে গান্ধীবাদী নেতাজনে গুৱাহাটীত উপস্থিত হৈয়ে এখন দুৰ্নীতি বিৰোধী আলোচনা সভাত অংশ গ্ৰহণ কৰে। আনহাতে কাইলৈ নেতাজনে এখন সংবাদমেল সম্বোধন কৰিব য’ত তেওঁ জন লোকপাল বিলৰ সম্পৰ্কে আলোচনা কৰাৰ উপৰি কৃষক নেতা অখিল গগৈৰ মুক্তিৰ দাবীও উত্থাপন কৰিব বুলি জানিব পৰা গৈছে। ইয়াৰ উপৰিও বিশিষ্ট নেতাজনে অৰুণাচললৈ গৈ মুখ্য মন্ত্ৰী পেমা খান্দুক লগ কৰাৰ সম্ভাৱনা আছে।