ধৰ্ষণক কেন্দ্ৰ কৰি জ্বলি উঠিল নাগালেণ্ডৰ মন নগৰ : অভিযুক্তক নাঙঠ কৰি গণপ্ৰহাৰ

ধৰ্ষণৰ ঘটনাক কেন্দ্ৰ কৰি আজি জ্বলি উঠিল নাগালেণ্ডৰ মন নগৰ। উন্মত্ত জনতাই ধৰ্ষণত অভিযুক্ত এজন যুৱকক বান্ধিলৈ বেয়াকৈ প্ৰহাৰ কৰাৰ লগতে শিলগুটি নিক্ষেপ কৰা দেখা যায়।

প্ৰাপ্ত তথ্য মতে, এগৰাকী ১২ বছৰীয়া নাবালিকাক বহিঃ ৰাজ্যৰ ৰানু সেন নামৰ এজন যুৱকে ধৰ্ষণ কৰাৰ অভিযোগ উঠিছে। যুৱকজনক গাড়ীচালক বুলি জানিব পৰা গৈছে।

উক্ত ঘটনাটো পোহৰলৈ অহাৰ পিছতেই নগৰখনৰ বহুলোক ঘটনাস্থলীত গৈ যুৱকজনক কৰায়ত্ব কৰাৰ লগতে তেওঁক নাঙঠ কৰি লোহাৰ ফ্ৰেম এটাত বান্ধি লৈ প্ৰহাৰ কৰিবলৈ আৰম্ভ কৰে।

অৱশ্যে পিছত মন আৰক্ষী ঘটনাস্থলীত উপস্থিত হৈ অভিযুক্ত যুৱকজনক নিজৰ জিম্মালৈ আনে বুলি মন আৰক্ষী থানাৰ ভাৰপ্ৰাপ্ত বিষয়া টাজম কন্যাকে জানিবলৈ দিয়ে।

যুৱকজনক চিকিৎসা পৰীক্ষাৰ বাবে প্ৰেৰণ কৰা হৈছে বুলি জানিবলৈ দি তেওঁ কয় যে ইয়াৰ পিছতে ঘটনাৰ তদন্ত আৰম্ভ কৰা হ’ব। অৱশ্যে তেওঁ অধিক তথ্য দিয়াৰ পৰা বিৰত থাকে।

https://youtu.be/nxIii1D-ep4