নৰ্থইষ্ট য়ুনাইটেড এফ চিয়ে সমৰ্থকৰ বাবে যোগান ধৰিব বাছ, ছাত্ৰ-ছাত্ৰীৰ টিকেটত ৰেহাই

হিৰ’ ইণ্ডিয়ান চুপাৰ লীগ দল নৰ্থইষ্ট য়ুনাইটেড এফ চিয়ে ছীজনটোৰ আহি থকা খেলসমূহত অনুৰাগীৰ সংখ্যা আৰু সমৰ্থন বৃদ্ধি কৰাৰ উদ্দেশ্যে গুৰুত্বপূৰ্ণ সিদ্ধান্ত গ্ৰহণ কৰিছে।

সমৰ্থকৰ পৰা পোৱা মতামতৰ আধাৰত দলটোৰ ব্যৱস্থাপকসকলে সৰুসজাই ষ্টেডিয়ামত নৰ্থইষ্ট য়ুনাইটেড এফ চিৰ ঘৰুৱা খেলসমূহ উপভোগ কৰিব খোজা ছাত্ৰ-ছাত্ৰী সকলৰ বাবে টিকেটৰ দামৰ ৫০% ৰেহাই আগবঢ়াব।

এক প্ৰেছ বিবৃতিৰ জৰিয়তে নৰ্থইষ্ট য়ুনাইটেড এফ চিয়ে জনাই যে, ‘আগ্ৰহী ছাত্ৰ-ছাত্ৰী সকলে নিজৰ পৰিচয় পত্ৰ দেখুৱাই টিকেট কাউণ্টাৰৰ পৰা ৫০% ৰেহাইত টিকেট সংগ্ৰহ কৰিব পাৰিব।’

দলটোৰ ব্যৱস্থাপনা মণ্ডলীয়ে পুনৰ কয় যে সৰুসজাইৰপৰা শেহ ৰাতি অহাযোৱা কৰাত সুবিধা কৰিবৰ বাবে দলটোৱে ইয়াৰ সহযোগী এ এচ টি চিৰ সহযোগত পৰ্য্যাপ্ত বাছো যোগান ধৰিব।

অহা ১৯ জানুৱাৰিত চ্চেন্নাইয়া এফ চিৰ বিৰুদ্ধে হ’ব লগা পৰৱৰ্তী খেলখনৰ পৰাই অনুৰাগী সকলে এই সুবিধা গ্ৰহণ কৰিব পাৰিব।