বিজেপি-এনডিপিপিয়ে গঢ়িব কৰিব এখন নতুন নাগালেণ্ড: ৰাম মাধৱ

বিজেপিৰ ৰাষ্ট্ৰীয় সাধাৰণ সম্পাদক ৰাম মাধৱে বিজেপি-এনডিপিপি মিত্ৰজোঁট ক্ষমতালৈ আহিলে নাগালেণ্ডৰ চেহেৰা সলনি কৰি দিয়াৰ প্ৰতিশ্ৰুতি দি অভিযোগ কৰে যে এনপিএফ নেতৃত্বৰ চৰকাৰখনে সকলো দিশতে ব্যৰ্থ হৈছিল।

৫২ নং লংখিম-চাৰে বিধানসভা সমষ্টিত বিজেপিৰ এখন নিৰ্বাচনী সভাত ভাষণ দি ৰাম মাধৱে কয় যে নাগালেণ্ড ৰাজ্যখনৰ বিকাশৰ বাবে কেন্দ্ৰৰ যথেষ্ট পুজি আছে।

ধৰ্মনিৰপেক্ষ দৃষ্টিভংগী প্ৰকাশ কৰি বিজেপি নেতাগৰাকীয়ে খ্ৰীষ্টান মিছনাৰীসকলে পূব নাগালেণ্ড অঞ্চলত শিক্ষা বিস্তাৰৰ বাবে গ্ৰহণ কৰা পদক্ষেপৰ শলাগ লয়।

তেওঁ কয় যে কোনো বাহিৰৰ বা মুলসুঁতিৰ লোকে পূব নাগালেণ্ড পীপলছ অৰ্গেনাইজেশ্যনৰ নিয়ন্ত্ৰণৰ অধীনত থকা অঞ্চলত প্ৰৱেশ কৰিব নোৱাৰে। ‘’মিছনাৰীসকলৰ ত্যাগৰ বাবেই এই অঞ্চলৰ লোকসকল আজি গৰ্বিতভাৱে থিয় হৈ আছে,’’-মাধৱে কয়।

মাধৱে টুৱেনচাং জিলাৰ জৰাজীৰ্ণ পথৰ অৱস্থাৰ বিষয়ে টিপ্পনী দাঙি ধৰি কয় যে ইয়াত বাস্তৱিকতে কোনো পথ নাই মাথোঁ ‘গাঁত’হে আছে। তেওঁ ‘অঞ্চলটোৰ জনসাধাৰণৰ আৰু ৰাজ্যখনৰ দুৰ্দশা’ৰ বাবে চৰকাৰক দোষাৰোপ কৰে।

কেন্দ্ৰীয় গৃহ ৰাজ্যমন্ত্ৰী কিৰেন ৰিজিজুৱে সভাত ভাষণ দি কয় যে এই নিৰ্বাচনটো কেৱল বিজেপিৰ বাবেই নহয় লগতে ৰাজ্যখনৰ তথা দেশখনৰ বাবেও গুৰুত্বপূৰ্ণ আছিল।

নাগা ৰাজনৈতিক সমস্যাটোৰ কথা উল্লেখ কৰি ৰিজিজুৱে কয় যে পূৰ্বৰ কেন্দ্ৰত থকা চৰকাৰসমূহৰ সমস্যাটো সমাধানৰ বাবে কোনো ৰাজনৈতিক সদিচ্ছা নাছিল।

‘’আপুনি যদি সমস্যাটো বুজিব বা চিনাক্ত কৰিব নোৱাৰে, আপুনি কেতিয়াও তাক সমাধান কৰিবলৈ সক্ষম নহয়,’’-তেওঁ কয়।

ৰিজিজুৱে লগতে কয় যে নৰেন্দ্ৰ মোডীৰ নেতৃত্বত বিজেপি চৰকাৰখনে সন্মিলিতভাৱে ভাৱে ব্যৱস্থাসমূহ গ্ৰহণ কৰিছে আৰু সঠিক দিশেৰে আগবাঢ়িছে।

বিজেপি নেতা দুগৰাকীয়ে ২৯ নং জেনপেটকং বিধানসভা সমষ্টিৰ এখন সভাতো ভাষণ দিয়ে।