বিশ্বনাথত নলাৰ পানীত ওপঙি থকা অৱস্থাত মৃতদেহ উদ্ধাৰ

বিশ্বনাথত মৃতদেহ উদ্ধাৰ হোৱাটো পৰিণত হৈছে নৈমিত্তিক ঘটনাত। আজি ১৭ জুলাইত বিশ্বনাথৰ বৰিগাঁৱত এটা নলাত পানীত ওপঙি থকা অৱস্থাত এজন যুৱকৰ মৃতদেহ এটা উদ্ধাৰ কৰা হয়।

জানিব পৰা মতে আজি দুপৰীয়া স্থানীয় লোকে মৃতদেহটো দেখি বিশ্বনাথ আৰক্ষীক খবৰ দিয়াত আৰক্ষী আহি ঘটনা থলীত উপস্থিত হয়।

মৃতদেহটো জপৌবাৰিৰ বাবা ওৰাঙৰ (২০ বছৰীয়া) বুলি পৰিয়ালৰ লোকে চিনাক্ত কৰিছে।

উল্লেখ্য যে যোৱা কালিৰ পৰাই নিৰুদ্দেশ হৈ আছিল বাবা ওৰাং।

বিশ্বনাথ আৰক্ষী উক্ত স্থানত উপস্থিত হৈ পানীত পৰি উপঙি থকা অৱস্থাত উদ্ধাৰ কৰে মৃতদেহটো লগতে পানীত ডুব যোৱা বাবা ওৰাঙৰ এখন চাইকেলো উদ্ধাৰ কৰা হয়।

ঘটনা সন্দৰ্ভত আৰক্ষীয়ে অনুসন্ধান অব্যাহত ৰাখিছে যদিও কিহৰ বাবে আৰু কেনেকৈ তেওঁৰ মৃত্যু হৈছে সেয়া এতিয়াও ৰহস্যৰ আৱৰ্তত।