ভাৰতীয় বিমান প্ৰাধিকৰণ কৰ্তৃপক্ষৰ উদ্যোগত ডিব্ৰুগড়ত ৰাজভাষা সংগোষ্ঠী দিৱস
ভাৰতীয় বিমান প্ৰাধিকৰণ কৰ্তৃপক্ষ, উত্তৰ-পূব মণ্ডলৰ উদ্যোগত যোৱা শুকুৰবাৰৰ পৰা দুদিনীয়া কাৰ্যসূচীৰে আৰম্ভ হৈছে ৰাজভাষা সংগোষ্ঠী দিৱস।
ডিব্ৰুগড়ৰ হোটেল লিলিত অনুষ্ঠিত এই অনুষ্ঠানটোত মুখ্য অতিথি হিচাপে উপস্থিত থাকি ভাৰতীয় বিমান প্ৰাধিকৰণ কৰ্তৃপক্ষৰ মানৱ সম্পদ উন্নয়ন বিষয়া অনুজ আগৰৱালে ৰাজভাষা সংগোষ্ঠী দিৱসৰ শুভাৰম্ভণি কৰাৰ লগতে ‘ৰাজভাষা প্ৰকাশ’ নামৰ এখন হাতপুথিও মুকলি কৰে।
অনুষ্ঠানটোত ভাষণ আগবঢ়ায় অনুজ আগৰৱালে কয়- ‘সম্প্ৰতি সমগ্ৰ দেশতে হিন্দী সংযোগী ভাষা হৈ পৰিছে। এই ধৰণৰ অনুষ্ঠানে চৰকাৰী কাৰ্যালয়-প্ৰতিষ্ঠানসমূহত হিন্দীক চৰকাৰী ভাষা হিচাপে ব্যৱহাৰ কৰাৰ ক্ষেত্ৰত সকলোকে উৎসাহিত কৰিব’।
উল্লেখ্য যে অনষ্ঠানটোত উত্তৰ-পূব মণ্ডলৰ ক্ষেত্ৰীয় কাৰ্যকৰী সঞ্চালক ডিকে কামৰা, যুটীয়া পৰিচালন সঞ্চালক ভান গৌতমকে আদি কৰি প্ৰায় ২৯ গৰাকী বিষয়াৰ সগতে অন্যান্য বহু বিশিষ্ট লোকে অংশগ্ৰহণ কৰে।
প্ৰসংগক্ৰমে উল্লেখযোগ্য যে অনুষ্ঠানটোত ভাৰতীয় বিমান প্ৰাধিকৰণ কৰ্তৃপক্ষৰ উত্তৰ-পূব মণ্ডলৰ বিভিন্ন অঞ্চলৰ ন’ডেল বিষয়া আৰু সঞ্চালকে অংশগ্ৰহণ কৰে।
এনে ধৰণৰ অনুষ্ঠানে হিন্দী ভাষাৰ মৰ্যাদা চৰকাৰী পৰ্যায়ত প্ৰতিষ্ঠিত কৰাৰ লগতে জনসাধাৰণক ভাষাটো গ্ৰহণ কৰাৰ ক্ষেত্ৰত উৎসাহিত কৰিব বুলি আশা প্ৰকাশ কৰা হৈছে।