মণিপুৰত ১৬ কোটি টকাৰ ড্ৰাগছ জব্দ, ১জন আটক
ফাইল ফটো
মণিপুৰৰ ইম্ফল-মৰে’ ৰাষ্ট্ৰীয় ঘাইপথৰ পৰা আজি অসম ৰাইফলছৰ এটা দলে বৃহৎ পৰিমাণৰ ড্ৰাগছ জব্দ কৰে।
জব্দ কৰা ড্ৰাগছখিনিৰ মূল্য আন্তঃৰাষ্ট্ৰীয় বজাৰত প্ৰায় ১৬ কোটি টকা হ’ব বুলি জানিব পৰা গৈছে।
প্ৰাপ্ত তথ্য মতে, ড্ৰাগছ কঢ়িয়াই নিয়া বুলি এক নিৰ্ভৰযোগ্য সূত্ৰৰ পৰা পোৱা খবৰৰ ভিত্তিত অসম ৰাইফলছৰ এটা দলে ইম্ফল-মৰে’ ৰাষ্ট্ৰীয় ঘাইপথৰ খুডেংথাবিত এখন বাছক আগচি ধৰি তালাচি চলায়।
উক্ত তালাচিত তেওঁলোকে বাছখনৰ চালকৰ আসনৰ তলত লুকুৱাই অনা ডব্লিউ ৱাই ড্ৰাগছৰ পেকেট উদ্ধাৰ কৰে বুলি অসম ৰাইফলছৰ এগৰাকী বিষয়াই জানিবলৈ দিয়ে।
চালকজনক বৰ্তমান নিজৰ জিম্মাত ৰখা হৈছে বুলি জনাই বিষয়াজনে কয় যে জব্দ কৰা সামগ্ৰীসমূহ ৰাজহ চোৰাংচোৱা সঞ্চালকালয়ৰ হাতত চমজাই দিয়া হৈছে।