যোৰহাট চিকিৎসা মহাবিদ্যালয়ৰ ছাত্ৰ গ্ৰেপ্তাৰ : অনুসূচিত জাতিৰ ভুৱা প্ৰমাণ পত্ৰৰে নামভৰ্তি কৰাৰ অভিযোগ
যোৰহাট চিকিৎসা মহাবিদ্যালয়ৰ চিন্ময় কাকতী নামৰ এজন ছাত্ৰক আজি যোৰহাট আৰক্ষীয়ে গ্ৰেপ্তাৰ কৰিছে।
জানিব পৰা মতে অনুসূচিত জাতিৰ ভুৱা প্ৰমাণপত্ৰ দাখিল কৰি মহাবিদ্যালয়খনত তেওঁ নামভৰ্তি কৰা বুলি অভিযোগ উঠিছে।
আৰক্ষীৰ সূত্ৰই জনোৱা অনুসৰি সদৌ অসম অনুসূচিত জাতি ছাত্ৰ সন্থাৰ যোৰহাট জিলা গোটে এই ছাত্ৰজনে ভুৱা নথিৰে অনুসূচিত জাতিৰ সংৰক্ষিত আসনত নামভৰ্তি কৰিছিল বুলি কৰা অভিযোগৰ পিছত এই সন্দৰ্ভত এটা গোচৰ ৰুজু কৰা হৈছিল।
মহাবিদ্যালয়খনত চিকিৎসা বিজ্ঞান পাঠ্যক্ৰমৰ ষষ্ঠ ষান্মাষিকত পঢ়ি থকা ২৩ বছৰীয়া ছাত্ৰজনৰ ঘৰ কামৰূপ জিলাৰ শুৱালকুছিত।