শিৱসাগৰ আৰক্ষীৰ অভিযানত ডিমৌত নকল খড়গসহ আটক প্ৰৱঞ্চক কপিল কাহাৰ

যোৱা নিশা শিৱসাগৰ জিলাৰ ডিমৌৰ বকতা নেমুগুৰি আৰক্ষী নিৱেশৰ অন্তৰ্গত শালমাৰি গাঁৱৰ পৰা শিৱসাগৰ আৰক্ষীয়ে অভিযান চলাই এজন এটা ডেৰ কিলো ওজনৰ সন্দেহজনক গঁডৰ খড়গ উদ্ধাৰ কৰে।

প্ৰাপ্ত তথ্য মতে ডিমৌৰ বকতা নেমুগুৰিৰ শালমৰা গাঁৱৰ কপিল কাহাৰ(৩৬) নামৰ ব্যক্তিজনৰ পৰা শিৱসাগৰ আৰক্ষীয়ে অভিযান চলাই ডেৰ কিলো ওজনৰ এটা সন্দেহজনক খড়গ উদ্ধাৰ কৰে। শিৱসাগৰ আৰক্ষী অধীক্ষকৰ নেতৃত্বত চলা উক্ত অভিযানকালত খড়গৰ লগতে বহু পৰিমাণৰ নকল সোণ আৰু নকল টকা বনাবলৈ ব্যৱহাৰ কৰা কেইবাবাণ্ডোলো কাগজো উদ্ধাৰ কৰা হয়।

প্ৰাপ্ত তথ্য মতে আৰক্ষীৰ দলটোৱে কালি এক গোপন সূত্ৰ আধাৰত তেওঁৰ ঘৰত হঠাৎ অভিযনা চলাই আৰু কপিল কাহাৰ নামৰ প্ৰৱঞ্চকটোক আটক কৰে।

জানিব পৰা মতে বহু কম সময়ৰ ভিতৰতে এই প্ৰবঞ্চকটোৱে এনেধৰণৰ অবৈধ কাৰ্যকলাপ আৰু চোৰাং ব্যৱসায়েৰে গঢ়ি তুলিছিল সম্পত্তিৰ পাহাৰ। চোৰাংব্যৱসায়ৰ ধনেৰে কাহাৰে ৭ খনকৈ গাড়ী আৰু ৫০ বিঘা মাটি ক্ৰয় কৰাৰ উপৰিও আৰু কেইবাঠাইটো নিৰ্মাণ কৰিছিল বৃহৎ অট্টালিকা।

আনহাতে অৰক্ষীয়ে কপিল কাহাৰক শিৱসাগৰ আদালতলৈ প্ৰেৰণ কৰিব বুলি জানিব পৰা গৈছে।