সমাগত মিজোৰাম বিধানসভা নিৰ্বাচন, ৰাহুল গান্ধীৰ উপস্থিতিত কংগ্ৰেছে ঘোষণা কৰিলে প্ৰাৰ্থীৰ তালিকা 

সমাগত মিজোৰাম বিধান সভা নিৰ্বাচন। অহা নবেম্বৰ মাহত অনুষ্ঠিত হ’ব উত্তৰ-পূৰ্বাঞ্চলৰ ৰাজ্যখনৰ বিধান সভাৰ নিৰ্বাচন। 

তদুপক্ষে কংগ্ৰেছ দলে প্ৰস্তুত কৰি উলিয়াইছে এখন প্ৰাৰ্থীৰ তালিকা। এই তালিকাত আছে ৩৯ গৰাকী বিধায়ক প্ৰাৰ্থীৰ নাম। 

দলটোৱে জনোৱা মতে, দলৰ ৰাজ্যিক গোটৰ মুৰব্বী লালচাওতাই আইজল পশ্চিম-৩ ত প্ৰতিদ্বন্দ্বিতা কৰিব।

অহা ৭ নৱেম্বৰত অনুষ্ঠিত হ’ব মিজোৰাম বিধানসভা নিৰ্বাচন। ইয়াৰ পূৰ্বে ৰাজ্যখনত উপস্থিত হৈছে কংগ্ৰেছ নেতা ৰাহুল গান্ধী। দুদিনীয়া ভ্ৰমণসূচীৰে মিজোৰামত গান্ধী উপস্থিত হোৱাৰ সময়তে কংগ্ৰেছে এই প্ৰাৰ্থীৰ তালিকা ঘোষণা কৰিছে।

মিজোৰামৰ ৪০  খন বিধান সভাৰ আসনৰ বাবে নিৰ্বাচন অনুষ্ঠিত হ’ব। ৭ নবেম্বৰত অনুষ্ঠিত হ’বলগীয়া ভোটগ্ৰহণৰ ফলাফল ঘোষণা কৰা হ’ব ৩ ডিচেম্বৰত।