সোণাৰি সেনা চাউনীৰ দ্বাৰা সোণাৰি মহাবিদ্যালয়ত বৃত্তিমুখী পৰামৰ্শ কাৰ্যসূচী ৰূপায়ন

আজি সেনাৰ ডাও ডিভিজনৰ অন্তৰ্গত সোণাৰি সেনা চাউনিয়ে যুৱ চামৰ বাবে এটা বৃত্তিমুখী আৰু ব্যক্তিত্ব বিকাশ কাৰ্যসূচী ৰূপায়ন কৰে। এই কাৰ্যসূচীটো নিজকে প্ৰকাশ কৰিব বিচাৰা ছাত্ৰ ছাত্ৰীসকলক এখন মঞ্চ প্ৰদান কৰাৰ এটা ধাৰণাৰ ওপৰত প্ৰতিষ্ঠিত।

কাৰ্যসূচীটোৰ সৈতে সংগতি ৰাখি  ছাত্ৰ ছাত্ৰীসকলক সেনা বাহিনী, অসামৰিক প্ৰশাসন আৰু বিদ্যায়তনিক ক্ষেত্ৰখনৰ ব্যক্তিসকলৰ সৈতে মত বিনিময়ৰ সুযোগ প্ৰদান কৰা হৈছিল। মত বিনিময় অনুষ্ঠানত শিক্ষাৰ্থীসকলে ছিনিয়ৰ ছেকেণ্ডাৰীৰ পাছত উপলব্ধ হোৱা বৃত্তিসমূহৰ বিষয়ে অৱগত হোৱাৰ বাবে নিজৰ প্ৰশ্নৰ উত্তৰ লাভ কৰাৰ সুযোগ প্ৰদান কৰা হৈছিল।

এই কাৰ্যসূচীটোত ২৫০ জনতকৈও অধিক শিক্ষাৰ্থীয়ে অংশগ্ৰহণ কৰিছিল। সেনা বাহিনীক এটা বৃত্তি হিচাপে গ্ৰহণ কৰাৰ লাভ সম্পৰ্কে এটা ভাষণৰ আয়োজন কৰিছিল সোণাৰি সেনা চাউনীয়ে। আগ্ৰহী শিক্ষাৰ্থীসকলৰ মাজত প্ৰচাৰপত্ৰ বিতৰণৰ বাবে এটা ষ্টলৰ ব্যৱস্থা কৰা হৈছিল। এইটো কাৰ্যসূচীক চৰাইদেউ জিলাৰ জনসাধাৰণে উচ্চ প্ৰশংসা কৰাৰ লগতে সেনা বাহিনীৰ প্ৰতি নিজৰ কৃতজ্ঞতা প্ৰকাশ কৰে।