হাফলঙৰ আৰ এছ এছ কাৰ্য্যালয়ত সোমবাৰে ৰাতি দুৰ্বৃত্তৰ আক্ৰমণ
ৰাষ্ট্ৰীয় স্বয়ং সেৱক সংঘৰ হাফলং কাৰ্যালয়ত সোমবাৰে ৰাতি অচিনাকি দুৰ্বৃত্তৰ দলে আক্ৰমণ চলায়।
আক্ৰমণটোত কাৰ্যালয়টোৰ এটা চিচি টিভি বিকল হোৱাৰ লগতে কাৰ্যালয়টোত পে’ট্ৰল ঢালি অগ্নিসংযোগৰ চেষ্টাও কৰা হৈছিল বুলি জানিব পৰা গৈছে।
এই সন্দৰ্ভত হাফলং আৰক্ষী থানাত ইতিমধ্যে সংগঠনটোৱে এজাহাৰ দাখিল কৰিছে। হাফলং আৰক্ষীয়ে ঘটনাটোৰ তদন্ত আৰম্ভ কৰিছে যদিও এতিয়ালৈকে কাকো গ্ৰেপ্তাৰৰ খবৰ পোৱা হোৱা নাই।
ঘটনাটোৰ পিছতে সংঘৰ কাৰ্যালয়টোৰ নিৰাপত্তা বৃদ্ধি কৰা হৈছে।
ইপিনে ঘটনাৰ খবৰ পোৱাৰ লগে-লগে উত্তৰ কাছাৰ পাৰ্বত্য স্বায়ত্ত শাসিত পৰিষদৰ চিইএম দেবলাল গাৰ্লচাই সংঘ কাৰ্যালয়ত উপস্থিত হৈ ঘটনাৰ বুজ লয়। গাৰ্লচাই এই ঘটনাৰ তীব্ৰ নিন্দা জনোৱাৰ লগতে দোষীক কৰায়ত্ব কৰি দৃষ্টান্তমূলক শাস্তিৰ দাবী কৰে।
উল্লেখযোগ্য যে আৰ এছ এছ নেতা জগদম্বা মালে প্ৰকাশ কৰা খচৰা নাগা চুক্তিক লৈ ডিমা হাচাও জিলা উত্তপ্ত হৈ আছে। এই খচৰা চুক্তিৰ প্ৰতিবাদত ডিমা হাচাওৰ বিভিন্ন দল-সংগঠনে কালি ঐক্যবদ্ধ প্ৰতিবাদ সাব্যস্ত কৰিছিল।
প্ৰতিবাদকাৰীসকলে উপায়ুক্ত কাৰ্য্যালয়ত আৰ এছ এছ নেতা জগদম্বা মালক গ্ৰেপ্তাৰৰ দাবী তুলি আৰ এছ এছ গ’ বেক ধ্বনিও দিছিল।
You may also like
২০ ছেপ্তেম্বৰৰ পৰা ৰাজ্যত আৰম্ভ হ’ব দশম শ্ৰেণীৰ পাঠদান
ৰাজ্য চৰকাৰৰ সিদ্ধান্ত অনুসৰি অহা ২০ ছেপ্তেম্বৰৰ পৰা ৰাজ্যত আৰম্ভ হ’ব দশম শ্ৰেণীৰ পাঠদান প্ৰক্ৰিয়া- আজি এই কথা সদৰী কৰিছে অসমৰ শিক্ষা…
দ্বাদশ শ্ৰেণীৰ ছাত্ৰক বিয়া কৰোৱাৰ স্বাৰ্থত ধৰ্মান্তৰণ কৰিলে তিনি সন্তানৰ মাতৃয়ে
উত্তৰ প্ৰদেশৰ আমৰোহা জিলাত তিনি সন্তানৰ মাতৃ ২৬ বছৰীয়া এগৰাকী মহিলাই অন্য ধৰ্ম গ্ৰহণ কৰি দ্বাদশ শ্ৰেণীৰ ছাত্ৰৰ সৈতে বিয়াত বহিছে। পূৰ্বে…
‘কা’ৰ বিৰোধিতা কৰাৰ বাবেই প্ৰাক্তন মুখ্যমন্ত্ৰী প্ৰফুল্ল কুমাৰ মহন্তক অগপ নেতৃত্বৰ বিশ্বাসঘাতকতা!
একমাত্ৰ কা বিৰোধী স্থিতিত অটল হৈ থকাৰ বাবেই অসমৰ প্ৰাক্তন মুখ্যমন্ত্ৰী তথা অসম গণ পৰিষদ দলৰ প্ৰতিষ্ঠাপক সভাপতি প্ৰফুল্ল কুমাৰ মহন্তৰ হাতৰ…
ৰাষ্ট্ৰীয়কৃত বীমা কোম্পানীৰ ব্যক্তিগতকৰণৰ তীব্র বিৰোধিতা কংগ্ৰেছৰ
তেওঁ কয় যে ২০১৪ চনৰ পৰা আমাৰ দেশত পৰিকল্পিতভাৱে গণতন্ত্ৰক হত্যা কৰাৰ অভিযান আৰম্ভ হৈছে। প্ৰধানমন্ত্ৰী নৰেন্দ্ৰ মোডী নেতৃত্বাধীন বিজেপিৰ কেন্দ্ৰীয় চৰকাৰে…