৫০ বছৰীয়া আনুষ্ঠানিক কূটনৈতিক সম্পৰ্ক উদযাপনৰ অংশ হিচাপে ভাৰত আৰু ভূটানে যৌথভাৱে মুকলি কৰিলে বিশেষ প্ৰতীক

ভাৰতৰ বৈদেশিক পৰিক্ৰমা বিভাগৰ মন্ত্ৰী সুষমা স্বৰাজ আৰু ভূটানৰ বৈদেশিক পৰিক্ৰমা মন্ত্ৰী লিনপো ডামচো দৰ্জীয়ে দিল্লী আৰু থিম্ফুত ভাৰত আৰু ভূটানৰ আনুষ্ঠানিক কূটনৈতিক সম্পৰ্ক স্থাপনৰ সোণালী জয়ন্তী উদযাপনৰ বাবে এটা বিশেষ প্ৰতীক চিহ্ন মুকলি কৰিছে।

দুয়োখন দেশৰ মাজৰ ৫০ বছৰীয়া বন্ধুত্বপূৰ্ণ সম্পৰ্কৰ সোণালী জয়ন্তী উদযাপনৰ প্ৰাক্ মুহূৰ্তত ভিডিঅ’ কনফাৰেন্স যোগে প্ৰতীক চিহ্ন টো মুকলি কৰা হয়।

এই অনুষ্ঠানত বক্তৱ্য ৰাখি সুষমা স্বৰাজে কয় যে ভাৰত আৰু ভূটানৰ মাজত বিৰল সম্পৰ্কৰ বন্ধুত্ব তথা পাৰস্পৰিক সহযোগিতা গঢ় লৈ উঠিছে মূল্যবোধ আৰু অগ্ৰাধিকাৰ, প্ৰগাঢ় বিশ্বাস আৰু বুজাবুজি, পৰস্পৰৰ প্ৰতি সন্মান আৰু পৰস্পৰৰ স্বাৰ্থৰ প্ৰতি সহমৰ্মিতাৰ বিনিময়ৰ মাজেৰে।

মন্ত্ৰীগৰাকীয়ে অনুষ্ঠানৰ জৰিয়তে সকলো পক্ষকে পাৰস্পৰিক লাভালাভৰ বাবে ভাৰত-ভূটান মিত্ৰতাৰ পূৰ্ণ সম্ভাৱনা উপলব্ধি কৰি প্ৰচেষ্টা আৰু দায়বদ্ধতাৰে নতুন আলোকেৰে আগবাঢ়িবলৈ আহ্বান জনায়।

উচ্চ পৰ্যায়ৰ আদান প্ৰদানৰ বাহিৰেও দুয়োখন দেশে এই সোণালী বৰ্ষটো উদযাপনৰ বাবে বৰ্ষজোৰা সাংস্কৃতিক কাৰ্যসূচী, প্ৰদৰ্শনী আৰু আলোচনা চক্ৰৰ এলানি বিশেষ স্মাৰক কাৰ্যসূচীৰ পৰিকল্পনা কৰিছে