ৱেলে’ন্তাইন দে’ উপলক্ষে গুৱাহাটীত জুবলী ফাউণ্ডেইশ্যনৰ সহযোগিতাত আয়োজন অংগ দান অভিযান

ৱেলে’ন্তাইন দে’ উপলক্ষে গুৱাহাটীত আয়োজন কৰা হৈছে এক অংগ দান অভিযান।

জুবলী ফাউণ্ডেইশ্যনৰ সহযোগিতাত কাইলৈৰ ৱেলে’ন্তাইন দে’ উপলক্ষে ‘জীৱনৰ উপহাৰ’ শীৰ্ষক এক বিশেষ কাৰ্য্যসূচী লোৱা হৈছে।

অংগ দানক লৈ থকা অন্ধবিশ্বাস আৰু বৰ্তমান সমাজত ইয়াৰ গুৰুত্ব সম্পৰ্কে সজাগতা সৃষ্টিৰ উদ্দেশ্যৰে খানাপাৰাৰ গ্ৰীনৱুদ ৰিচ’ৰ্তত এই অনুষ্ঠানটোৰ আয়োজন কৰা হৈছে।

এই ৰিচ’ৰ্টখনত বিশেষ ৱেলে’ন্তাইন দে’ উদযাপন কৰিব খোজা যোৰাবোৰে অনুষ্ঠানটোত বিশেষভাৱে পৰিৱেশন কৰা মুখলৈ পানী অহা খাদ্য খাবলৈ পোৱাৰ লগতে থাকিব উমাল পৰিৱেশত আয়োজিত এক জাকজমক ফেশ্বন প্ৰদৰ্শনী। অনুষ্ঠানটোত দিজে’ৰ পৰিচালনাত এঘণ্টীয়া নৃত্যানুষ্ঠানো থাকিব।

অনুষ্ঠানটোৰ বিশেষ আকৰ্ষণ হ’ব মমৰ পোহৰত নৈশাহাৰ, আনন্দদায়ী ক্ৰীড়া আৰু অন্যান্য কাৰ্য্যকলাপ, আকাশবন্তি উৰণ আদি।

সন্ধিয়াটোত সংগৃহীত সকলো বৰঙনি জুবলী ফাউণ্ডেইশ্যনলৈ আগবঢ়োৱা হ’ব।

জুবলী ফাউণ্ডেইশ্যন জনাজাত অসমীয়া গয়িকা জুবলী বৰুৱাই আৰম্ভ কৰা এক লাভহীন সংস্থা।

জুবলী ফাউণ্ডেশ্যনে অংগ দানক উৎসাহিত কৰা আৰু এই সম্পৰ্কে জনসাধাৰণক সঠিক তথ্য জনোৱাৰ বাবে কাম কৰি আহিছে।

স্বাস্থ্য খণ্ডত বৰ্তমান থকা অংগ সংকটৰ মোকাবিলা আৰু অংগ সংৰোপনৰ জৰুৰী প্ৰয়োজনীয়তা থকা লোকসকলক সহায় কৰাৰ বাবে ই আগবাঢ়ি আহিছে।