আম্ফানত মৃত্যু ২১ জন লোক : ১৯০ কিঃমিঃৰ গতিৰ ধুমুহাই গৃহহীন কৰিছে পাঁচ লক্ষাধিক লোকক
সাগৰীয় ধুমুহা চাইক্ল’ন আম্ফাই বিধ্বংসী ৰূপ ধাৰণ কৰিছে পশ্চিমবংগ, ওড়িশাত আৰু চুবুৰীয়া দেশ বাংলাদেশত।
১৭০ৰ পৰা ১৯০ কিলোমিটাৰ প্ৰতি ঘণ্টাৰ বেগত বলা ধুমুহা বৰষুণে ইতিমধ্যে পশ্চিমবংগৰ বিভিন্ন ঠাইৰ ২১ জন লোকৰ প্ৰাণ কাঢ়ি নিছে।
পশ্চিমবংগ আৰু ওড়িশাৰ হাজাৰ হাজাৰ ঘৰ, সুউচ্চ আট্টালিকা, বিদ্যুৎ পৰিবাহী খুঁটা আদি ক্ষতিগ্ৰস্ত হোৱাৰ লগতে প্ৰকাণ্ড গছ বাগৰি পৰিছে আম্ফানত।
ক’ৰ’নাতংকৰ ওপৰতে আম্ফানে পশ্চিমবংগত বিধ্বংসী তাণ্ডৱ চলাই প্ৰায় ১ লাখ কোটি টকাৰ সম্পদ ক্ষতিগ্ৰস্ত কৰিছে বুলি মুখ্যমন্ত্ৰী মমতা বেনাৰ্জীয়ে মন্তব্য কৰিছে।
পশ্চিবংগত প্ৰায় ৫ লাখ লোক গৃহহীন হোৱাৰ লগতে ওড়িশাত ১ লাখ লোক গৃহহীন হৈ এই প্ৰচণ্ড বতাহ ধুমুহাৰ সময়ত মুকলি আকাশৰ তলত অৱস্থান কৰিবলৈ বাধ্য হৈছে।
পশ্চিমবংগৰ মুখ্যমন্ত্ৰী মমতা বেনাৰ্জীয়ে এক সংবাদ মেল সম্বোধন কৰি কয় যে ৰাজ্যখনত আম্ফানত মৃত্যু হোৱা লোকৰ সংখ্যা ২১ জনলৈ বৃদ্ধি পাইছে।
উত্তৰ ২৪ পৰগণা জিলাত ৫,৫০০ ৰো অধিক ঘৰ বিধ্বংসী ধুমুহাই সম্পূৰ্ণৰূপে ধ্বংস কৰিছে। জিলাখনত এজোপা প্ৰকাণ্ড গছ পৰি এগৰাকী ১৩ বছৰী কিশোৰীৰ মৃত্যু ঘটিছে।
ইফালে ৰাজ্যখনৰ ৰাজধানী কলকতাও ক্ষতিগ্ৰস্ত হৈছে বিধ্বংসী আম্ফানত। মহানগৰখনত বিভিন্ন ঠাইত গছ বাগৰি পৰা বাট পথ পানীৰে উপচি পৰাৰ ভিডিঅ’টো চ’ছিয়েল মিডিয়াত ভাইৰেল হৈ পৰিছে।
ৰাষ্ট্ৰীয় দুৰ্যোগ ব্যৱস্থপনা বাহিনী( NDRF)ৰ ৪১ টা দলে ৰাজ্যখনত উদ্ধাৰ অভিযান চলাই আছে।
ক’ৰ’নাতংকৰ পৰিপ্ৰেক্ষিতত সামাজিক দূৰত্ব ৰক্ষা কৰিব লগীয়া হোৱাৰ বাবে NDRFৰ উদ্ধাৰ অভিযানৰ প্ৰত্যাহ্বান দ্বিগুণলৈ বৃদ্ধি পাইছে বুলি সংবাদ মাধ্যমৰ আগত প্ৰকাশ কৰিছে সঞ্চালক সত্য নাৰায়ণ প্ৰধানে।
ইফালে বিবিচিএ বাতৰি অনুসৰি পশ্চিমবংগ আৰু বাংলাদেশকে ধৰি আম্ফান এতিয়ালৈকে ২১ জন লোকৰ মৃত্যু ঘটিছে।
বাংলাদেশত প্ৰায় ৩ মিলিয়ন লোক বিধ্বংসী আম্ফানৰ দ্বাৰা ক্ষিতগ্ৰস্ত হোৱা বুলি বিবিচই বাতিৰত প্ৰকাশ।
ইফালে বতৰ বিজ্ঞানীয়ে জনাইছে যে ৩০০ মিলিমিটাৰৰো অধিক অবিৰত বৃষ্টিপাতৰ ফলত বানপানীয়ে ভয়ংকৰ ৰূপ ল’ব পাৰে আম্ফান আক্ৰান্ত অঞ্চলবোৰত!
You may also like
ডিব্ৰুগড় বিশ্ববিদ্যালয়ৰ স্নাতক পৰীক্ষাৰ ফলাফল ঘোষণা
ডিব্ৰুগড় বিশ্ববিদ্যালয়ৰ অন্তৰ্গত স্নাতক কলা, বিজ্ঞান আৰু বাণিজ্য শাখাৰ চূড়ান্ত পৰীক্ষাৰ ফলাফলসমূহ ঘোষণা কৰা হৈছে। শনিবাৰে ঘোষণা কৰা ফলাফল অনুসৰি কলা, বিজ্ঞান…
আশ্চৰ্য! সুৰক্ষাৰ বাবে কন্যাৰ মূৰত চিচিটিভি কেমেৰা সংস্থাপন পিতৃৰ
মহিলাৰ সুৰক্ষা, চৰকাৰী চিকিৎসালয়ত চিচিটিভিৰ চোৰাংচোৱাগিৰি বৃদ্ধি কৰাৰ দাবী তীব্ৰতৰ হৈ আহিছে, ইয়াৰ পাছত এগৰাকী পিতৃয়ে ছোৱালীজনীৰ সুৰক্ষাৰ বাবে মূৰত লগাই দিলে…
সংখ্যালঘুৰ বিৰুদ্ধে অপৰাধ তুংগত; মোডীৰ ভাৰতত যোৱা এবছৰৰ প্ৰতিবেদনক কেন্দ্ৰ কৰি চাঞ্চল্য
যোৱা বছৰৰ এপ্ৰিল মাহত লোকসভা নিৰ্বাচনী প্ৰচাৰ পূৰ্ণ গতিত চলি থকাৰ সময়ত ৰাজস্থানৰ বাঞ্চোৱাৰাত নিৰ্বাচনী ভাষণ দিছিল প্ৰধানমন্ত্ৰী নৰেন্দ্ৰ মোদীয়ে। তেওঁ হঠাতে…
আইনৰ শাসন আৰু সুশাসনত আমোলাৰ ভূমিকা অতি গুৰুত্বপূৰ্ণ
“আমোলাসকল হ’ল ৰাষ্ট্ৰৰ প্ৰতিনিধি। ৰাষ্ট্ৰৰ সন্মান আৰু মৰ্যাদা তেওঁলোকেই ৰক্ষা কৰে। জনসাধাৰণেও সেয়ে ৰাষ্ট্ৰক আমোলাৰ ৰূপতহে দেখা পায়। আজিকালি কৰ্তৃত্ত্বত থকা ক্ষমতাৰ…