গুৱাহাটী মুকলি আন্ত:ৰাষ্ট্ৰীয় দবাৰ শীৰ্ষত পাৰাগুৱে-ৰাছিয়া

প্ৰথম গুৱাহাটী মুকলি আন্ত:ৰাষ্ট্ৰীয় গ্ৰেণ্ডমাষ্টাৰ দবাৰ শীৰ্ষত আছে পাৰাগুৱে আৰু ৰাছিয়া ।

আজি সমাপ্ত হোবা নৱম ৰাউণ্ডৰ পিছত পাৰাগুৱেৰ গ্ৰেণ্ডমাষ্টাৰ ডেলগাদু ৰামিৰেজ নিউৰিচ , ছেচ ফেডাৰেশ্যান অফ ৰাছিয়াৰ গ্ৰেণ্ডমাষ্টাৰ প’নকাৰট’ভ পাবেল ,ইজিপ্তিয়ান গ্ৰেণ্ডমাষ্টাৰ ফাওজি আধাম আৰু ভাৰতৰ ইণ্টাৰনেশ্যনেল মাষ্টাৰ কৃষ্ণা চি আৰ জিয়ে ৭.৫ পইণ্ট কৈ লাভ কৰি শীৰ্ষত আছে ।

আনহাতে প্ৰতিযোগিতাখনত ৬ জনে ৭ পইণ্ট , ১৬ জনে ৬.৬ পইণ্ট আৰু ১৯ জনে ৬ লাভ কৰিছে । পইণ্ট তালিকাৰ পৰা স্পষ্ট যে প্ৰতিযোগিতা খনৰ কাইলৈ দশম তথা চূড়ান্ত ৰাউণ্ডৰ খেলত খিতাপ দখলৰ যুঁজ চলিব দুই বিদেশী ৰাষ্ট্ৰৰ গ্ৰেণ্ডম‍াষ্টাৰ্ছ নিউৰিচ আৰু পাবেলৰ মাজত ।

আনহাতে নিজকে অন্তিম ২৫ সংখ্যক স্থানত অন্তৰ্ভুক্ত কৰাৰ সম্ভাৱনা বৰ্তমানেও জীয়াই ৰাখিছে অসমৰ আই এম ছাহিল দে আৰু ৰাহুল এছ সিঙে ।

উল্লেখ্য যে গুৱাহাটী আন্ত:ৰাষ্ট্ৰীয় দবাত আৰম্ভনিৰে পৰা উন্নত খেল প্ৰদৰ্শন কৰা ডিব্ৰগড়ৰ আভাচৰম্য শইকীয়াই অষ্টম ৰাউণ্ডত আই এম মহোতা নিশাক পৰাস্ত কৰাৰ উপৰি দ্বিতীয় ৰাউণ্ড আৰু তৃতীয় ৰাউণ্ডত ক্ৰমে জি এম কাৰথিয়ান পি আৰু জি এম সপ্তৰ্ষি ৰয়ৰ সৈতে ড্ৰ খেলিছিল ।

আন এগৰাকী প্ৰচুৰ প্ৰতিভাৱান জুনিয়ৰ দবাৰু মায়াঙ্ক চক্ৰবৰ্ত্তীলৈয়ো সকলৰো দৃষ্টি নিবন্ধ হৈ ৰৈছিল যদিও আজিৰ খেলত আই এম ভি এভ ৰাহুলৰ হাতত তেওঁ পৰাস্ত হয় ।