খৈৰাবাৰীৰ ওচৰৰ ভূঞাখাত আৰু ঝাৰগাঁৱত অবৈধ কাঠফলা মিল জব্দ

২১ ডিচেম্বৰ শুকুৰবাৰে ওদালগুৰিৰ ধনশিৰি ফৰেষ্ট ডিভিজনৰ অন্তৰ্গত বনৰক্ষীৰ এটা দলে খৈৰাবাৰীৰ ওচৰত অতৰ্কিতে অভিযান চলাই দুটা অবৈধ কাঠফলা মিল জব্দ কৰে। অৱশ্যে বনৰক্ষীৰ অভিযানৰ কথা আগতীয়াকৈ গম পাই অবৈধ কাঠপলা মিলটোৰ গৰাকী, কৰ্মচাকীসকল পলাই যাবলৈ সক্ষম হয় বুলি প্ৰতিৱেদনত প্ৰকাশ।

সহকাৰী বন সংৰক্ষক দিবাকৰ দাস আৰু ননৈ ৰেঞ্জাৰ সত্য বড়োৰ নেতৃত্বত ধনশিৰি ফৰেষ্ট ডিভিজনৰ বন বিষয়াৰ এটা দলে এটা নিৰ্ভৰযোগ্য সূত্ৰৰ পৰা খৈৰাবাৰীৰ ওচৰৰ ভূঞাখাত আৰু ঝাৰগাঁৱতদীৰ্ঘ দিন ধৰি অবৈধ কাঠফলা মিল চলি থকাৰ তথ্য লাভ কৰি উক্ত স্থানত  অতৰ্কিতে এটা তালাচী অভিযান চলায়।

তালাচী দলটোৱে অবৈধ কাঠফলা মিলটোৰ পৰা কৰত, মটৰ, ব্লেড আৰু বিভিন্ন আকৃতিৰ কাঠ জব্দ কৰিবলৈ সক্ষম হয়। তাৰ পাছত সেই সামগ্ৰী সমূহ ন্যায়িক জিম্মালৈ লৈ যোৱা হয়।