২০০৮ চনৰ ধাৰাবাহিক বোমা বিস্ফোৰণত নিহতলৈ টীয়কত আছু, যুৱ ছাত্ৰ পৰিষদসহ সংগঠনৰ ৰাজহুৱা শ্ৰদ্ধাঞ্জলি
২০০৮ চনত গুৱাহাটীত সংঘটিত ধাৰাবাহিক বোমা বিস্ফোৰনে কঁপাই গৈছিল অসমৰ লগতে ভাৰতবৰ্ষ। প্ৰাণ গৈছিল বহু নিৰপৰাধী লোকৰ।
অসমৰ ইতিহাসৰ পাতত লিপিবদ্ধ হৈছিল অন্যতম ক‘লা দিন হিচাপে।
সন্ত্ৰাসবাদ নিপাত যাওক এই সংকল্পৰে আজি টীয়কৰ শ্বহীদ বেদী প্ৰাঙ্গনত ৰাজহুৱা বন্তি প্ৰজ্বলনেৰে নিহত সকললৈ শ্ৰদ্ধা নিবেদিলে আছু, যুৱ ছাত্ৰ পৰিষদ, চুতীয়া ছাত্ৰ সন্থা, টিএমপিকে, কবি সন্মিলন, তথা টীয়কৰ ৰাইজে।
টীয়ক আছুৰ সভাপতি ৰণ্টু ভূঞাই আঁত ধৰা বন্তি প্ৰজ্বলন কাৰ্যসূচীৰ শুভাৰম্ভ কৰে সুৰকাৰ, শিক্ষক অশোক কুমাৰ বৰাই।
অনুষ্ঠানত টীয়ক আৰক্ষী থানাৰ ভাৰপ্ৰাপ্ত আৰক্ষী বিষয়া সতিশ চাহু, টীয়ক জাতীয় বিদ্যালয়ৰ সচিব সৌৰভ বৰা, শিক্ষক আবিদ শইকীয়া, নিবন্ধকাৰ অৰূপজ্যোতি হাজৰিকা, যুৱ ছাত্ৰ পৰিষদৰ টীয়ক আঞ্চলিক সমিতিৰ সভাপতি হিমাংশু বৰুৱা, সম্পাদক প্ৰশান্ত দত্ত, টীয়ক আঞ্চলিক চুতীয়া ছাত্ৰ সন্থাৰ সভাপতি পাৰ্থ প্ৰতিম চুতীয়া, সম্পাদক বিশ্বজিৎ বৰা,টীয়ক আছুৰ বিষয়ববীয়াসকলৰ সহিতে টিএমপিকেৰ টীয়ক আঞ্চলিক সমিতিৰ বিষয়ববীয়াসকল সমবেত হয়।