২৬/১১ মুম্বাই কাণ্ডৰ মাষ্টাৰ মাইণ্ড হাফিজ ছয়ীদক ১০ বছৰৰ কাৰাদণ্ড পাকিস্তানী আদালতৰ

২০০৮ চনত ভাৰতৰ মায়ানগৰী মুম্বাইত সংঘটিত ভয়ংকৰ সন্ত্ৰাসবাদী আক্ৰমণৰ মাষ্টাৰ মাইণ্ড হাফিজ ছয়ীদক ১০ বছৰৰ কাৰাদণ্ডৰে দণ্ডিত কৰিলে পাকিস্তানৰ এখন আদালতে।

জামাত-উড দাৱাৰ মুৰব্বী হাফিজৰ বিৰুদ্ধে পাকিস্তানৰ চৰকাৰে শেহতীয়াকৈ বহু কেইটা গোচৰ ৰুজু কৰিছে।

আজি দেশখনৰ লাহোৰস্থিত  সন্ত্ৰাসবাদ বিৰোধী আদালতে হাফিজৰ লগতে আন চাৰি জন সন্ত্ৰাসবাদীক ১০ বছৰ ৬ মাহৰ কাৰাদণ্ড বিহে।

সন্ত্ৰাসবাদক উদগনি দিয়াৰ অভিযোগতে দোষী সাৱস্ত্য হোৱা আদালতে হাফিৰ লগতে জামাতৰ আন নেতাসকল ক্ৰমে জাফৰ ইকবাল,য়াহা মুজাহিদকো একেই দণ্ড বিহে।

একেদৰে হাফিজৰ আত্মীয় ৰেহমান মাক্কিক ছমাহৰ কাৰাদণ্ড বিহা হয়।

উল্লেখ্য শেহতীয়াকৈ সন্ত্ৰাসবাদীক প্ৰশ্ৰয় দিয়া বাবে  আমেৰিকাকে ধৰি বিশ্বৰ বহু কেই খন দেশে পাকিস্তানৰ বিৰুদ্ধে থিয় দিছে।

পাকিস্তানক ইতিমধ্যে FATF ৰ গ্ৰে লিষ্টতো ৰখা হৈছে। এনে পৰিস্থিতিত বাধ্যত পৰি যোৱা বছৰৰ জুলাই মাহত পাক চৰকাৰে হাফিজক গ্ৰেপ্তাৰ কৰিছিল।

১৬৬ জন নিৰীহৰ প্ৰাণ কাঢ়ি নিয়া মুম্বাই কাণ্ডৰ মাষ্টাৰ মাইণ্ড হাফিজ ছয়ীদক পাকিস্তানৰ এখন আদালতে সন্ত্ৰাসবাদীক ধনৰ যোগান ধৰাৰ অভিযোগত চলিত বৰ্ষৰ ফেব্ৰুৱাৰী মাহত ১১ বছৰৰ কাৰাদণ্ডৰে  দণ্ডিত কৰিছিল।