গুৱাহাটীত দ্বিতীয় পৰ্যায়ৰ ল’কডাউনত বিভিন্ন ক্ষেত্ৰত জনসাধাৰণৰ বাবে শিথিলতা

গুৱাহাটী মহানগৰীত ক’ৰ’না ভাইৰাছৰ সংক্ৰমণ নিয়ন্ত্ৰণৰ বাবে ৰাজ্য চৰকাৰে এসপ্তাহৰ বাবে দ্বিতীয় পৰ্যায়ৰ ল’কডাউন ঘোষণা কৰাৰ প্ৰথম দিনটোৰ পৰাই ল’কডাউনৰ ক্ষেত্ৰত কিছু শিথিলতা অনা পৰিলক্ষিত হৈছে।

অসমৰ মুখ্য সচিব কুমাৰ সঞ্জয় কৃষ্ণৰ স্বাক্ষৰ সম্বলিত নিৰ্দেশনাৰ জৰিয়তে কিছু কিছু ক্ষেত্ৰত ল’কডাউনৰ নীতি-নিৰ্দেশনা শিথিল কৰি দিয়া হৈছে।

নতুন নিয়ম অনুসৰি কম সংখ্যক কৰ্মচাৰীৰে এফ চি আইৰ কাম-কাজ এতিয়াৰে পৰা চলাব পাৰিব।

কোৰিয়াৰ ছাৰ্ভিছ আৰু ই-কমাৰ্চৰ ক্ষেত্ৰতো অনুমতি প্ৰদান কৰা হৈছে।

সোমবাৰৰ পৰা শুকুৰবাৰলৈ ৰাতিপুৱা ৯ বজাৰ পৰা বিয়লি ৪ বজালৈ চলিব এই কোৰিয়াৰ আৰু ই-কমাৰ্চৰ কাম-কাজ।

ইয়াৰোপৰি, সোমবাৰৰ পৰা শুকুৰবাৰলৈ ঘৰে ঘৰে গৈ মুৰ্গী আৰু ছাগলীৰ মাংস বিক্ৰী কৰিবৰ বাবে অনুমতি প্ৰদান কৰা হৈছে।

উল্লেখযোগ্য যে, আজিৰে পৰা অহা দেওবাৰ অৰ্থাৎ ১৯ জুলাইলৈকে গুৱাহাটীত চলি থাকিব দ্বিতীয় পৰ্যায়ৰ ল’কডাউন।