মিজোৰামত অসম ৰাইফলছৰ অভিযানত বৃহৎ পৰিমাণৰ অস্ত্ৰ উদ্ধাৰ

মিজোৰামৰ চাম্ফাই জিলাত শুকুৰবাৰে অসম ৰাইফলছে চলোৱা এক অভিযানত তিনিটা এ কে-৫৬ ৰাইফল, তিনিটা খালী মেগজিন আৰু ২.৩ লাখ ম্যানমাৰৰ টকা জব্দ কৰা হয়।

চাম্ফাই জিলাৰ জুট অঞ্চলৰ ঘন জংঘলৰ মাজত এই অস্ত্ৰ-শস্ত্ৰ সমূহ উদ্ধাৰ কৰা হয় বুলি অসম ৰাইফলছে জানিবলৈ দিয়ে।

বিশেষ সূত্ৰৰ পৰা লাভ কৰা তথ্যৰ ভিত্তিত অসম ৰাইফলছ আৰু মিজোৰামৰ আবকাৰী বিভাগে যুটীয়াভাৱে অভিযান চলাই বৃহৎ পৰিমানৰ অস্ত্ৰ-শস্ত্ৰখিনি উদ্ধাৰ কৰিবলৈ সক্ষম হয়।

ম্যানমাৰ আৰু ভাৰতৰ অস্ত্ৰ সৰবৰাহকাৰীৰ মাজত চুক্তি সম্পন্ন হোৱাৰ পূৰ্বেই অসম ৰাইফলছৰ অভিযানকাৰী দলটোৱে অস্ত্ৰখিনি জব্দ কৰিবলৈ সক্ষম হয়।

এই ঘটনাৰ লগত বৰ্তমানলৈ এগৰাকী লোকক অভিযানকাৰী দলটোৱে আটক কৰিবলৈ সক্ষম হৈছে।

আনহাতে, ম্যানমাৰৰ দিশত অৱস্থিত গ্ৰহণ কৰি থকা অস্ত্ৰ সৰবৰাহকাৰী সকলে সীমান্তত ভাৰতীয় সেনা বাহিনীৰ উপস্থিতিৰ বিষয়ে জানিব পাৰি উক্ত স্থানৰ পৰা পলায়ন কৰে।