পঞ্জাৱত শোকাৱহ দুৰ্ঘটনা: ৰে’লৰ খুন্দাত প্ৰাণ হেৰুৱালে তিনি শিশুৱে, গুৰুতৰভাৱে আহত আন এক শিশু

দেওবাৰে পঞ্জাৱৰ কিৰাটপুৰ চাহাবত সংঘটিত হয় এক শোকাৱহ দুৰ্ঘটনা। চহৰখনত এখন ৰে’লে মহতীয়াই নিয়াৰ ফলত ৩ শিশুৰ মৃত্যু হোৱাৰ লগতে আন এটি শিশু গুৰুতৰভাৱে আহত হয়। ৰে’ললাইন পাৰ হ’বলৈ চেষ্টা কৰাৰ সময়তে এই শোকাৱহ দুৰ্ঘটনাত পতিত হয় শিশুকেইটি।

ঘটনা সন্দৰ্ভত স্থানীয় এগৰাকী আৰক্ষী বিষয়াই উল্লেখ কৰা মতে সেই সময়ত ৰে’লখন অহাৰ বিষয়ে শিশুকেইটি জ্ঞাত নাছিল, যাৰ বাবে এনে হৃদয়বিদাৰক দুৰ্ঘটনা সংঘটিত হয়।

তেওঁ লগতে জানিবলৈ দিয়া মতে, ৰে’লৰ খুন্দাৰ ফলত দুটি শিশুৰ থিতাতে মৃত্যু হোৱাৰ বিপৰীতে চিকিৎসালয়লৈ যোৱাৰ পথত আন এটি শিশুৰ মৃত্যু হয়। আনহাতে গুৰুতৰভাৱে আঘাতপ্ৰাপ্ত আনটি শিশু বৰ্তমান চিকিৎসাধীন হৈ আছে।

Kirtarpur Sahib, Punjab | Three children dead, one injured in a train accident

2 children died on spot. One died on way to hospital. 4th one is being treated. Children had come here to eat berries off trees & did not realise a train was approaching them: ASI GRP, Jagjit Singh pic.twitter.com/SWZQQ0f2bu

— ANI (@ANI) November 27, 2022

উল্লেখ্য যে, এই ভয়াৱহ দুৰ্ঘটনা ছতলেজ নদীৰ ওপৰত লোহাণ্ড ৰে’ল দলঙত সংঘটিত হয়। দুৰ্ঘটনা সংঘটিত কৰা ৰে’লখন ছাহাৰানপুৰৰ পৰা হিমাচল প্ৰদেশ অভিমুখে যাত্ৰাৰত আছিল।

দুৰ্ঘটনাৰ পিছতে ৰে’লখন দুৰ্ঘটনাস্থলীত ৰৈ যায়। আহত শিশুকেইটিক আনন্দপুৰ চাহাবৰ অসামৰিক চিকিৎসালয়লৈ লৈ যোৱা হয় যদিও বাটতে এজনৰ মৃত্যু হয়।

এই কাণ্ডৰ পিছতে পঞ্জাৱৰ প্ৰাক্তন মুখ্যমন্ত্ৰী কেপ্তেইন অমৰিন্দৰ সিঙে এক টুইট যোগে শোক প্ৰকাশ কৰি ৰাজ্য চৰকাৰক মৃতকৰ পৰিয়ালক যথাযথ ক্ষতিপূৰণ প্ৰদান কৰিবলৈ আহ্বান জনায়।

Distraught to hear about the news of a passenger train crushing 4 children causing 3 of them to die on the spot near Sri Kiratpur Sahib today.

My condolences are with the family and I urge @PunjabGovtIndia to provide appropriate compensation to the families.

— Capt.Amarinder Singh (@capt_amarinder) November 27, 2022