ডিব্ৰুগড় কাৰাগাৰলৈ পুনৰ খালিস্তানী নেতা অমৃতপাল সিঙৰ তিনি সহযোগী
কট্টৰ খালিস্তানী নেতা অমৃতপাল সিঙৰ তিনি সহযোগীক পুনৰ ডিব্ৰুগড় কাৰাগাৰলৈ অনা হৈছে। অসম আৰক্ষীয়ে জানিবলৈ দিয়া মতে এই তিনিগৰাকী ব্যক্তিৰ ভিতৰত অমৃতপাল সিঙৰ খুৰাক হৰজিৎ সিঙো আছে।
আজিৰ এই তিনি ব্যক্তিকে ধৰি যোৱা ১৯ মাৰ্চৰ পৰা অমৃতপাল সিঙৰ ‘ৱাৰিছ পঞ্জাব দে’ (WPD)ৰ সৈতে জড়িত মুঠ সাতগৰাকী সদস্যক ডিব্ৰুগড় কাৰাগাৰলৈ অনা হৈছে।
ৱাৰিছ পঞ্জাব দেৰ ধৃত আন দুগৰাকী সদস্যক কুলৱন্ত সিং ধলিৱাল আৰু গুৰিন্দৰ পাল সিং বুলি চিনাক্ত কৰা হৈছে। দুয়োগৰাকীকে দিল্লীৰ পৰা বিমানেৰে অসমলৈ অনা হয়।
আনহাতে অমৃতপাল সিঙৰ খুৰাক হৰজিৎ সিঙে সোমবাৰে পঞ্জাৱ আৰক্ষীৰ ওচৰত আত্মসমৰ্পণ কৰাৰ পিছত আজি বিমানেৰে অসমলৈ লৈ অহা হয়।
আজি পুৱা ৭.১০ বজাত হৰজিৎ সিঙক গুৱাহাটী বিমানবন্দৰৰ পৰা ডিব্ৰুগড় কেন্দ্ৰীয় কাৰাগাৰলৈ লৈ যোৱা হয়। অমৃতপাল সিঙক ৱাৰিছ পঞ্জাব দেৰ নেতা হিচাপে প্ৰতিষ্ঠা কৰাত হৰজিৎ সিঙে অন্যতম গুৰুত্বপূৰ্ণ ভূমিকা লৈছিল বুলি জানিব পৰা গৈছে।
উল্লেখ্য যে, ইতিপূৰ্বে দেওবাৰে সংগঠনটোৰ আন চাৰিগৰাকী সদস্যক ডিব্ৰুগড় কেন্দ্ৰীয় কাৰাগাৰলৈ অনা হৈছিল। এই চাৰি সদস্য আছিল ক্ৰমে দলজিৎ সিং কালসী, ভগৱন্ত সিং, গুৰমীত সিং, আৰু ‘প্ৰধানমন্ত্ৰী’ বাজেকা।
You may also like
অজাপৰ সভাপতি লুৰীণজ্যোতি গগৈৰ দুটা সমষ্টিত মনোনয়ন দাখিল; দুয়োটা সমষ্টিতে জয়ী হোৱাৰ দাবী
অসম জাতীয় পৰিষদৰ সভাপতি লুৰীণজ্যোতি গগৈয়ে সমৰ্থকৰ বিশাল সমদলেৰে সোমবাৰে ডিব্ৰুগড় উপায়ুক্ত কাৰ্যালয়ত জিলা নিৰ্বাচন বিষয়াৰ হাতত দুয়োটা সমষ্টিৰ বাবে মনোনয়ন পত্ৰ…
‘কিছুমান মানুহে মোক গণতন্ত্ৰৰ শিক্ষা দিব খুজিছে’; কাক লক্ষ্য কৰি প্ৰধানমন্ত্ৰী মোদীয়ে এইদৰে ক’লে?
বিতৰ্কিত কৃষি আইনৰ বাতিলৰ দাবীত দিল্লী সংযোগী সীমান্তৱৰ্তী অঞ্চলত কৃষকৰ প্ৰতিবাদে ৩১ টা দিন অতিক্ৰম কৰাৰ সময়তে এই তিনি আইনৰ সন্দৰ্ভত প্ৰধানমন্ত্ৰী…
আমাৰ হেঁচাত পৰি ৰাজ্য চৰকাৰে অসম মহিলা বিশ্ববিদ্যালয় বন্ধ কৰাৰ সিদ্ধান্ত বাতিল কৰিলে : তৰুণ গগৈ
অসম চৰকাৰে আইন প্ৰণয়নৰ জৰিয়তে যোৰহাটত স্থাপন কৰা অসম মহিলা বিশ্ববিদ্যালয় বন্ধ কৰিবলৈ লোৱা সিদ্ধান্তৰ বিৰুদ্ধে সমগ্ৰ ৰাজ্যজুৰি ব্যাপক আৰু তীব্ৰ প্ৰতিবাদ…
প্ৰধান মন্ত্ৰীয়ে দামী সম্পত্তি বিক্ৰী কৰি নিচা খোৱা মানুহৰ দৰে আচৰণ কৰিছে : কৃষক মুক্তিৰ উপদেষ্টা হুছেইন মহম্মদ ছাহজাহান
দিহিং পাটকাই বর্ষাৰণ্য ধ্বংস কৰি কয়লা খননৰ বাবে দিয়া অনুমতিৰ সিদ্ধান্তক কৃষক মুক্তি সংগ্রাম সমিতিয়ে তীব্ৰ বিৰোধিতা কৰিছে। কৃষক মুক্তি সংগ্ৰাম সমিতিৰ…