৭২ ঘন্টাত ৪০০০ আঙুলি! অভিলেখ ৰচিলে নাইজেৰিয়ান মহিলাই

এক ব্যতিক্ৰমী অভিলেখ ৰচনা কৰিলে এগৰাকী নাইজেৰিয়ান মহিলাই। মাত্ৰ ৭২ ঘন্টাত প্ৰায় ৪ হাজাৰ নখত নেলপলিচ লগাই অভিলেখ গঢ়িলে তেওঁ। এইদৰে অবিলেখ ৰচনা কৰা মহিলাগৰাকীৰ নাম লিছা ডাকাৰ। তেওঁৰ বয়স ১৯ বছৰ।

৭২ ঘন্টাত প্ৰায় ৪০০০ নখত বিভিন্ন ৰঙৰ নেইলপলিচ লগাই তেওঁ গিনিজ বুকত নিজৰ নাম উজ্বলাবলৈ সক্ষম হৈছে।

এই অভিলেখৰ পিছত বিবিচিৰ সৈতে হোৱা এক সাক্ষাৎকাৰত তেওঁ কয় যে মই মানুহক আশা দিব বিচাৰো। বিশেষকৈ অকলশৰীয়া মাতৃসকলক। কাৰণ বহুতে ভাবে যে আমি কৰিব পৰা একো নাই।

লিছাই প্ৰায় তিনি বছৰ ধৰি নেইল টেকনিচিয়ান হিচাপে কাম কৰি আছে। নাইজেৰিয়াৰ উত্তৰ অংশৰ মহিলাসকলৰ উন্নতিৰ বাবে তাই কাম কৰিব বিচাৰে।

লিছাই আশা কৰিছে যে অঞ্চলটোৰ জনগোষ্ঠী আৰু ধৰ্মীয় সংগঠনৰ মাজত দশক দশক ধৰি চলি থকা সংঘাতৰ অন্ত পৰিব। এই সংঘাত অন্ত পেলোৱাৰ বাবেই নিজকে বিশ্বৰ আগলৈ আনিছে লিছাই।