চৰম লজ্জাজনক ঘটনা! খোৱাঙত ৬ বছৰীয়া শিশুক যৌন নিৰ্যাতন বৰদেউতাকৰ

ডিব্ৰুগড় জিলাৰ খোৱাঙত এগৰাকী কণমাননি ৬ বছৰীয়া শিশুক বৰদেউতাকে যৌন নিৰ্যাতন চলোৱা ঘটনা শেহতীয়াকৈ পোহৰলৈ অহাত অঞ্চলটোত তীব্ৰ চাঞ্চল্যৰ সৃষ্টি হৈছে।

প্ৰাপ্ত তথ্য মতে ডিব্ৰুগড় জিলাৰ খোৱাঙত বুধবাৰে বিয়লি ৩ বজাত এগৰাকী ৬ বছৰীয়া কন্যা শিশুক ঘৰত কোনো নথকাৰ সুযোগ গ্ৰহণ কৰি সম্বন্ধীয় বৰদেউতাকে শিশুটিক যৌন নিৰ্যাতন চলায়। আৰু ইয়াৰ পিছতে শিশুটিৰ স্বাস্থ্যৰ অৱনতি ঘটে।

পিছত শিশুটিৰ পৰিয়ালৰ লোকে ঘটনা সন্দৰ্ভত অৱগত হোৱাত এক হুলস্থলীয়া পৰিৱেশৰ সৃষ্টি হয় আৰু শিশুটিক লগে লগে চিকিৎসাৰ বাবে চিকিৎসালয়লৈ নিয়ে।

আনহাতে এই ঘটনা সংঘটিত কৰা শিশুটিৰ সম্বন্ধীয় বৰদেউতাকজন লখিমপুৰ জিলাৰ গাগলডুবি গাঁৱৰ নিবাসী মুনমুন সোণোৱাল (৩৫) বুলি জানিব পৰা গৈছে। আৰু ঘটনা সন্দৰ্ভত পোহৰলৈ অহাৰ পিছৰে পৰা এই লম্পট মুনমুন সোণোৱাল পলাতক অৱস্থাত আছে।

ইতিমধ্যে পৰিয়ালৰ লোকে লম্পট মুনমুনৰ বিৰুদ্ধে খোৱাং আৰক্ষী থানাত এজাহাৰ দাখিল কৰিছে। আৰু খোৱাং আৰক্ষীয়ে পৰিয়ালৰ লোকে দাখিল কৰা এজাহাৰৰ ওপৰত ভিত্তি কৰি 376/511, R/W Sec. 6of Pocso actৰ অধীনত এক গোচৰ ৰুজু কৰি লম্পট মুনমুনক কৰায়ত্ত কৰাৰ বাবে অভিযান অব্যাহত ৰাখিছে।