আজিৰ পৰা শ্ৰীমন্ত শংকৰদেৱ সংঘৰ ৮৮ সংখ্যক মৰিগাঁও অধিৱেশন; প্ৰায় ২০ লাখ ভকত-বৈষ্ণৱৰ উপস্থিতিৰ সম্ভাৱনা

লাখ লাখ ভকত-বৈষ্ণৱৰ পৰম আগ্ৰহপূৰ্ণ অংশগ্ৰহণৰ আশাৰে আজিৰ পৰা আৰম্ভ হৈছে শ্ৰীমন্ত শংকৰদেৱ সংঘৰ ৮৮ সংখ্যক মৰিগাওঁ অধিৱেশন। অহা ৯ ফেব্ৰুৱাৰিলৈ হ’ব লগীয়া এই অধিৱেশনৰ বাবে বৰঙাবাৰী পথাৰত সাহিত্যৰথী লক্ষ্মীনাথ বেজবৰুৱা সমন্বয় ক্ষেত্ৰ সাজু কৰি তোলা

আদৰণি সমিতিৰ সূত্ৰে জানিব পৰামতে, এইবাৰ অধিৱেশনৰ বাজেট প্ৰায় আঢ়ৈ কোটি টকা। ভকত-বৈষ্ণৱৰ থকা শিবিৰ, ভোজনালয়ৰ পৰা হেলিপেডলৈকে সকলো ব্যৱস্থা সামৰি লোৱা হৈছে, যাতে অসুবিধা নোহোৱাকৈ লাখ লাখ লোকে সেৱা গ্ৰহণ কৰিব পাৰে। সকলো সুচাৰুৰূপে কৰিবৰ বাবে মুঠ ৩৫খন উপসমিতি আছে। সূত্ৰটোৰ মতে, ভোজনালয়ত একে সময়তে ১৫ হাজাৰ লোকে ভোজন গ্ৰহণ কৰিব পাৰিব।

ইপিনে যুৱ বাহিনীৰ হাজাৰ হাজাৰ যুৱক-যুৱতীক ভকত তথা অতিথিসকলক সেৱা আগ বঢ়াব পৰাকৈ প্ৰশিক্ষণ দি সাজু কৰি তোলা হৈছে।

স্থানীয় লোকসকলে কয় যে এইবাৰ অধিৱেশনত ৮৮ ফুট দৈর্ঘ্যৰ গামোচা হ’ব পাৰে অধিৱেশনলৈ অহাসকলৰ বাবে প্ৰধান আকৰ্ষণ। প্ৰায় ৩ লাখ টকা ব্যয়েৰে আটক ধুনীয়াকৈ জিলিকি মতিৰাম বৰা বিশাল সোঁৱৰণী তোৰণেও ইতিমধ্য চৰ্চা পোৱা দেখা গৈছে।

আজিৰ দিনটোৰ কাৰ্য্যসূচীসমূহ ইয়াত দিয়া হৈছে