মহাৰাষ্ট্ৰত আত্মহত্যা অসমৰ ক’ভিড-১৯ আক্ৰান্ত যুৱকৰ
মহাৰাষ্ট্ৰত ক’ভিড-১৯ পজিটিভৰূপে চিনাক্ত অসমৰ এজন যুৱকে শনিবাৰে আত্মহত্যা কৰাৰ খবৰ পোৱা গৈছে।
যুৱকজনৰ নাম জেহেৰুল ইছলাম আৰু তেওঁৰ ঘৰ নগাওঁ জিলাৰ ৰূপহীহাট থানাৰ অন্তৰ্গত শিঙিমাৰী গাঁৱত।
মহাৰাষ্ট্ৰৰ অকলা নগৰত কৰ্মৰত আছিল যুৱকজন। যুৱকজনৰ বয়স ৩০ বছৰ বুলি জানিব পৰা গৈছে।
শুকুৰবাৰে যুৱকজনৰ দেহত ক’ভিড-১৯ৰ উপস্থিতি ধৰা পৰিছিল আৰু তেওঁ ৭ এপ্ৰিলৰ পৰা গৱর্নমেণ্ট মেডিকেল কলেজ এণ্ড হস্পিতালত আইছলেচনত আছিল।
আজি পুৱা প্ৰায় ৫ বজাত হস্পিটেলখনৰ কৰ্মচাৰীয়ে বাথৰুমত তেওঁৰ মৃতদেহটো প্ৰত্যক্ষ কৰে।
যুৱকজনে ব্লেডৰে ডিঙি কাটি আত্মহত্যা কৰা বুলি সন্দেহ কৰিছে মহাৰাষ্ট্ৰ আৰক্ষীয়ে।
মহাৰাষ্ট্ৰৰ অকলাত শুকুৰবাৰে অসমৰ যুৱকজনকে ধৰি তিনিজন ব্যক্তি ক’ভিড-১৯ পজিটিভৰূপে চিনাক্ত হৈছিল।
ইপিনে শনিবাৰলৈকে ভাৰতত ৭৪৪৭গৰাকী ক’ভিড-১৯ ৰোগী চিনাক্ত হৈছে। ২৩৯ গৰাকী লোক মৃত্যুমুখত পৰিছে।
You may also like
বিশিষ্ট সাহিত্যিক শশী শৰ্মালৈ ‘শতবৰ্ষীয় জীৱনজোৰা সাহিত্য সন্মান’
‘ছোভিয়েট দেশ বঁটা’ বিজয়ী অসমৰ এগৰাকী বিশিষ্ট সাহিত্যিক, সমালোচক শশী শৰ্মালৈ অসম সাহিত্য সভাই আগবঢ়াইছে ‘শতবৰ্ষীয় জীৱনজোৰা সাহিত্য সন্মান’। ২৬, ২৭ ডিচেম্বৰত…
কৰ’নাৰ দ্ৰুত সংক্ৰমণে বৃদ্ধি কৰিছে উদ্বেগ; বিগত ২৪ ঘন্টাত দেশত আৰু ৩৫৪জনৰ মৃত্যু
ভাৰতত কৰ’না ভাইৰাছৰ সংক্ৰমণৰ হাৰ ক্ৰমশ বৃদ্ধি পাইছে। যোৱা সোমবাৰ আৰু মঙলবাৰ দুয়োটা দুদিনত কৰ’না আক্ৰান্তৰ সংখ্যা ৬০হাজাৰৰ তলত আছিল। মঙলবাৰে গোটেই…
অসম সমবায় মৰাপাট কলৰ অচলাৱস্থা! যোগানকাৰীয়ে লাভ কৰিবনে প্ৰাপ্য ধন?
নগাঁও জিলাৰ শিলঘাটত অৱস্থিত অসম সমবায় মৰাপাট কলৰ দ্বিতীয় ইউনিটৰ উৎপাদন গোটটো বন্ধ হৈ পৰাৰ ফলত মৰাপাট উদ্যোগটোত অচলাৱস্থাই দেখা দিছে। কলটোৰ…
জেলত ৮.৫ কেজি ওজন হ্ৰাস পাইছে অৰবিন্দ কেজৰিৱালৰ;অস্বাভাৱিকভাৱে হ্ৰাস পাইছে ব্লাড ছুগাৰো-অভিযোগ আপৰ
শনিবাৰে আপ ৰাজ্যসভাৰ সাংসদ সঞ্জয় সিঙে অভিযোগ কৰে যে দিল্লীৰ মুখ্যমন্ত্ৰী অৰবিন্দ কেজৰিৱালে গ্ৰেপ্তাৰৰ পাছত তেওঁৰ ওজন ৮.৫ কিলোগ্ৰাম কমিছে আৰু তেজৰ…