যাত্ৰীৰ ভিৰ; ১০০খন বাছে নোজোৰাত ব্যক্তিগত চিটিবাছ চলোৱাৰ সিদ্ধান্ত পৰিবহণ নিগমৰ

আজি তৃতীয় পৰ্যায়ৰ লকডাউনৰ প্ৰথম দিন। আজিৰ পৰা গুৱাহাটী মহানগৰীত অসম ৰাজ্যিক পৰিবহণ নিগমৰ ১০০খন চিটিবাছ চলে যদিও যাত্ৰীৰ সংখ্য বেচি হোৱাৰ বাবে নিগমৰ অধীনত আৰু প্ৰায় ২০০খন ব্যক্তিগত চিটিবাছ চলাচল কৰিব বুলি জানিবলৈ দিয়ে পৰিবহণ নিগমৰ অধ্যক্ষ অশোক কুমাৰ ভট্টৰায়ে।

যাত্ৰীসকলক এক আহ্বান জনাই ভট্টৰায়ে কয়, ‘অনাহক কোনো যাত্ৰীক ভিৰ নকৰিবলৈ অনুৰোধ। অত্যাৱশকীয় কাম নহলে যাত্ৰা নকৰিব। সুৰক্ষাজনিত কাৰন যাত্ৰী সকলৰ ৰেজিষ্টাৰ কৰা হ’ব ৷ লগতে যাত্ৰী সকলক মাস্ক, গ্ল’ভছ পৰিধান কৰাৰ লগতে গাড়ীৰ পৰা থুই নেপেলাবলৈ আহ্বান’।

উল্লেখযোগ্য যে গুৱাহাটীৰ  চিটিবাছৰ ক্ষেত্ৰত চলো (Chalo )এপৰ জৰিয়তে যাত্ৰীসকলে ই-টিকট ক্ৰয় কৰিব পাৰিব। দূৰণিবটীয়া যাত্ৰীসকলে পৰিবহণ নিগমৰ বেৱচাইট বা redbus এপৰ জৰিয়তে টিকট ক্ৰয় কৰিব পাৰিব।