ত্ৰিপুৰাত বি এছ এফ বেটেলিয়নত পুনৰ ২২ গৰাকী ক’ভিড-১৯ পজিটিভ, মুঠ আক্ৰান্ত ৬৪লৈ বৃদ্ধি

বি এছ এফৰ ত্ৰিপুৰাস্থিত ১৩৮নং বেটেলিয়নত ব্যাপক হাৰত ক’ভিড-১৯ পজিটিভ ৰোগী চিনাক্ত হৈছে।

বুধবাৰেও আম্বাছাস্থিত বেটেলিয়নটোত ২২ গৰাকী লোকক ক’ভিড-১৯ পজিটিভ পোৱা গৈছে। আক্ৰান্তসকলৰ ১৮জন পুৰুষ, ১ গৰাকী মহিলা আৰু এটি শিশু।

অসামৰিক ক’ভিড-১৯ ৰোগী শূন্য হৈ থকা অৱস্থাত ৰাজ্যখনত যোৱা পাঁচটা দিনত বেটেলিয়নটোত ধাৰাবাহিকভাৱে ক’ভিড-১৯ আক্ৰান্ত চিনাক্ত হৈ আহিছে।

ফলত বুধবাৰে ৰাজ্যখনত মুঠ ক’ভিড-১৯ আক্ৰান্ত ৬৪লৈ বৃদ্ধি পাইছে।

Alert!

22 persons from 138th-Bn #BSF Ambassa found #COVID19 POSITIVE today including 18 Male, 1 Female, 3 Children.

Total #COVID19 POSITIVE cases in Tripura stands at 64 (2 already discharged, so active cases : 62)

Don’t Panic, Govt is working vigilantly.#TripuraCOVID19Count

— Biplab Kumar Deb (@BjpBiplab) May 6, 2020

ইয়াৰে দুগৰাকী সুস্থ হৈ ঘৰলৈ ওভতাৰ ফলত ৰাজ্যখনত বৰ্তমান সক্ৰিয় ক’ভিড-১৯ আক্ৰান্ত হৈছেগৈ ৬২গৰাকী।

মঙলবাৰেও বেটেলিয়নটোত ১৩ জনক ক’ভিড-১৯ পজিটিভ পোৱা গৈছিল। তাৰে এজন আছিল মেছ ৱৰ্কাৰ।

সোমবাৰে ৰাজ্যখন ১১ বি এছ এফ জোৱান আৰু দুগৰাকী জোৱানৰ পৰিয়ালৰ সদস্য ক’ভিড-১৯ পজিটিভ ৰূপে চিনাক্ত হৈছিল।

ইয়াৰ পূৰ্বে দেওবাৰে ১২ গৰাকী আৰু শনিবাৰে দুগৰাকী বি এছ এফ জোৱান ক’ভিড-১৯ পজিটিভ চিনাক্ত হৈছিল।

জানিব পৰা মতে, শনিবাৰে জিলাখনত দুগৰাকী বি এছ এফ জোৱানক ক’ভিড-১৯ পজিটিভ পোৱাৰ পিছতে স্বাস্থ্য বিভাগে বাকীসকলৰো নমুনা সংগ্ৰহ কৰি পৰীক্ষা কৰিছিল।