গৃহাভিমুখী যাত্ৰী সকলক লৈ ৰাজধানী দিল্লীৰ পৰা ডিব্ৰুগড়লৈ ৰাওনা হ’ল উত্তৰ-পূব অভিমুখি প্ৰথমখন যাত্ৰীবাহী ৰে’ল

গৃহাভিমুখী যাত্ৰী সকলক লৈ ৰাজধানী দিল্লীৰ পৰা ডিব্ৰুগড়লৈ ৰাওনা হ’ল উত্তৰ-পূব অভিমুখি প্ৰথমখন যাত্ৰীবাহী ৰে’ল

আবেলি প্ৰায় ৪ বজাত দিল্লীৰ পৰা যাত্ৰীসকলক লৈ সুদীৰ্ঘ ৫০ দিনৰ বিৰতিৰ অন্তত যাত্ৰীবাহী ৰে’লখনে উত্তৰ-পূব অভিমুখে যাত্ৰা কৰে।

কেন্দ্ৰ চৰকাৰে ১২ মে’ৰ পৰা দেশত যাত্ৰীবাহী ৰে’লৰ চলাচল আৰম্ভ কৰাৰ কথা ঘোষণা কৰাৰ পাছত আজি প্ৰথমখন যাত্ৰীবাহী ৰে’ল দিল্লীৰ পৰা বিলাসপুৰলৈ ৰাওনা হয়।

প্ৰথমখন যাত্ৰীবাহী ৰে’ল বিলাসপুৰলৈ যাত্ৰা কৰাৰ পাছতে দ্বিতীয়খন ৰে’ল অসমৰ ডিব্ৰুগড় অভিমুখে যাত্ৰা কৰে।

উল্লেখযোগ্য, এই যাত্ৰীবাহী ৰে’ল সমূহত যাত্ৰা কৰা যাত্ৰী সকলক যাত্ৰাৰ সময়ত মাস্ক পৰিধান কৰা বাধ্যতামূলক কৰিছে ৰে’ল বিভাগে।

সম্পূৰ্ণ সমাজিক দূৰত্ব মানি চলি যাত্ৰী সকলক নিজৰ নিজৰ আসনত উঠাৰো ব্যৱস্থা কৰে ৰে’ল বিভাগে।

যাত্ৰীবাহী ৰে’ল সমূহত মূলত ছাত্ৰ-ছাত্ৰী, আৱদ্ধ হৈ থকা বিভিন্ন শ্ৰমিকে যাত্ৰা কৰিছে বুলি জানিব পৰা গৈছে।

ৰে’ল বিভাগে যাত্ৰী সকল যাত্ৰাৰ সময়ত নিজৰ নিজৰ খাদ্য লগত লৈ অহাৰ বাবেও নিৰ্দেশ দিছিল।

আনহাতে, যাত্ৰী সকল উঠা-নমা কৰিবলগীয়া সকলো ৰে’ল ষ্টেশ্যন সম্পূৰ্ণৰূপে চেনিটাইজ কৰা হৈছে।