ডোপিং টেষ্টত ব্যৰ্থ ভাৰতৰ তাৰকা দৌৰবিদ গোমাথি মাৰিমুথুক চাৰি বছৰৰ বাবে নিলম্বন

এছিয়ান চেম্পিয়ন দৌৰবিদ গোমাথি মাৰিমুথুক ডোপিঙৰ বাবে চাৰি বছৰৰ বাবে ভাৰতীয় দলৰ পৰা নিলম্বিত কৰা হৈছে।

ডোপিঙত দোষী সাব্যস্ত হোৱা দৌৰবিদ গোমাথি মাৰিমুথুৰ পৰা ৮০০ মিটাৰৰ পদকো ঘুৰাই লোৱা হয়।

এথলেটিকছ ইণ্টিগ্ৰিটি য়ুনিটে জনোৱা অনুসৰি ৩১ বছৰীয়া তাৰকা ভাৰতীয় দৌৰবিদ গৰাকীক ২০২৩ চনৰ মে’লৈ নিলম্বিত কৰা হৈছে।

২০১৯ বৰ্ষৰ এপ্ৰিল মাহত কাটাৰত অনুষ্ঠিত হোৱা এছিয়ান ট্ৰেক চেম্পিয়নশ্বিপত গোমাথি মাৰিমুথুক নিষিদ্ধ দ্ৰব্য গ্ৰহণ কৰা বুলি পৰীক্ষাত প্ৰমাণিত হৈছিল।

মাৰিমুথুৱে নিজৰ সক্ষমতা বৃদ্ধিৰ বাবে এনব’লিক ষ্টেৰয়ড গ্ৰহণ কৰা বুলি ডোপিং টেষ্টত ধৰা পৰিছিল।

উল্লেখযোগ্য যে, ক’ৰ’না ভাইৰাছৰ বাবে বিশ্ব ক্ৰীড়া প্ৰতিযোগিতা সমূহ বাতিল কৰিবলগীয়া হোৱাৰ পাছত বৰ্তমান সময়ত খেলুৱৈ সকল ঘৰতে আৱদ্ধ হৈ থাকিবলগীয়া হৈছে।

ভাৰতীয় ক্ৰীড়া মন্ত্ৰ্যালয়ে দেশত চতুৰ্থ পৰ্যায়ৰ ল’কডাউনৰ সামৰণি পৰাৰ পাছত ক্ৰীড়া প্ৰকল্প সমূহত খেলুৱৈ সকলৰ প্ৰশিক্ষণৰ বাবে অনুমতি প্ৰদান কৰিছে।