ত্ৰিপুৰাত পুনৰ চাৰিগৰাকী কোভিড-১৯ আক্ৰান্তৰ মৃত্যু; মৃতকৰ সংখ্যা ১৭ গৰাকীলৈ বৃদ্ধি
ত্ৰিপুৰাত মঙলবাৰে পুনৰ চাৰি গৰাকী লোকৰ কোভিড-১৯ৰ সংক্ৰমণৰ ফলত মৃত্যু হয়।
মঙলবাৰে মৃত্যু হোৱা লোক চাৰিগৰাকীৰ সৈতে ৰাজ্যখনত কোভিডৰ সংক্ৰমণৰ ফলত মৃত্যু হোৱা লোকৰ সংখ্যা ১৭ গৰাকীলৈ বৃদ্ধি পালে।
ত্ৰিপুৰাৰ মুখ্য মন্ত্ৰী বিপ্লৱ কুমাৰ দেৱে মঙলবাৰে টুইটাৰ যোগে এই কথা প্ৰকাশ কৰি কয় ”দুৰ্ভাগ্যজনকভাৱে পুনৰ চাৰিগৰাকী কোভিড প’জিটিভ লোকৰ আজি মৃত্যু হয়।”
আনহাতে, মুখ্য মন্ত্ৰী দেৱে মঙলবাৰে ত্ৰিপুৰাত মুঠ ৬১৯৬ টা নমুনা পৰীক্ষা কৰা হয় আৰু ইয়াৰ ভিতৰত ২২২ গৰাকী কোভিড-১৯ প’জিটিভ ৰোগী চিনাক্ত হয় বুলিও লগতে কয়।
”সজাগ হওঁক ৬১৯৬ টা নমুনাৰ ভিতৰত ২২২ টা কোভিড প’জিটিভ পোৱা গৈছে,” মুখ্য মন্ত্ৰী দেৱে টুইট কৰে।
নতুনকৈ কোভিড আক্ৰান্ত হোৱা ২২২ গৰাকী লোকৰ ভিতৰত ৭৬ গৰাকী পশ্চিম ত্ৰিপুৰাৰ, ২৬ গৰাকী চিপাহী জিলাৰ, ৩৯ গৰাকী গোমাটিৰ আৰু ২১ গৰাকী খোৱাই জিলাৰ।
তদুপৰি, উত্তৰ ত্ৰিপুৰা জিলাত ২২ গৰাকী লোক, উনাকটি জিলাত ৫ গৰাকী লোক, ঢলাইত ১২ গৰাকী লোক আৰু দক্ষিণ ত্ৰিপুৰাত ২১ গৰাকী লোক কোভিড-১৯ৰ দ্বাৰা সংক্ৰমিত হয়।
You may also like
‘নাই আন্তৰিকতা, কেৱল মোহ! লিভ-ইন হৈছে টাইম পাছ’ : এলাহাবাদ উচ্চ ন্যায়ালয়
দেশত লিভ-ইন দম্পতীৰ সংখ্যা বৃদ্ধি পোৱাৰ সময়তে এলাহবাদ উচ্চ ন্যায়ালয়ে কৰিছে এক তাৎপৰ্যপূৰ্ণ মন্তব্য। এলাহবাদ উচ্চ ন্যায়ালয়ে কয় যে লিভ-ইন হৈছে এক…
সুশান্তৰ মৃত্যুৰ তদন্তৰ বাবে মুম্বাইত উপস্থিত হোৱা পাটনাৰ এছ পিক বিএমচিয়ে কৰিলে কোৱাৰেন্টাইন
বলীউদৰ অভিনেতা সুশান্ত সিং ৰাজপুতৰ মৃত্যুৰ তদন্তক লৈ বিহাৰ আৰু মহাৰাষ্ট্ৰ চৰকাৰৰ মাজত সংঘাত বৃদ্ধি পাইছে। যোৱা মঙলবাৰে সুশান্তৰ পিতৃয়ে ৰিয়া চক্ৰৱৰ্তী…
জ্যেষ্ঠ অধিবক্তা, অভিনেতা দিলীপ কুমাৰ হাজৰিকাৰ দেহাৱসান
গুৱাহাটী উচ্চ ন্যায়ালয়ৰ জ্যেষ্ঠ অধিবক্তা, লেখক, অভিনেতা দিলীপ কুমাৰ হাজৰিকাৰ বৃহস্পতিবাৰে সন্ধিয়া গুৱাহাটীত দেহাৱসান ঘটে। মৃত্যুৰ সময়ত তেওঁৰ বয়স আছিল ৯২ বছৰ।…
য়ুনিচেফৰ চাঞ্চল্যকৰ প্ৰতিবেদন; ভাৰতত প্ৰতিবছৰে পুষ্টিহীনতাৰ চিকাৰ হয় ৬৯ শতাংশ শিশু
ভাৰতত প্ৰতিবছৰে অপুষ্টিৰ কাৰণে ৬৯ শতাংশ শিশুৰ (পাঁচ বছৰ বয়সৰ তলৰ) মৃত্যু হয়। য়ুনিচেফৰ এক প্ৰতিবদেনত এই ভয়ংকৰ তথ্য প্ৰকাশ পাইছে। ‘দ্যা…