বলিউড ইণ্ডাষ্ট্ৰি কৰণ জোহৰ বা তেওঁৰ দেউতাকে বনোৱা নাই, টিকট ক্ৰয় কৰা দৰ্শকেহে বনাইছে : কংগনা

বলিউডৰ জনপ্ৰিয় অভিনেত্ৰী কংগনা ৰাণাৱটে পুনৰ এবাৰ ছবি নিৰ্মাতা তথা পৰিচালক কৰণ জোহৰক আক্ৰমণৰ লক্ষ্য কৰি লৈছে।

অভিনেত্ৰী গৰাকীয়ে কৰণক উদ্দেশ্যি কৈছে যে কৰণ জোহৰ বা তেওঁৰ দেউতাকে বলিউড ইণ্ডাষ্ট্ৰি বনোৱা নাছিল। এই ইণ্ডাষ্ট্ৰিটো সেই সকল লোক আৰু দৰ্শকে বনাইছে যিয়ে টিকট ক্ৰয় কৰিছে।

অভিনেত্ৰী গৰাকীয়ে লগতে কোটি কোটি দেশবাসীয়ে ইণ্ডাষ্ট্ৰিটো বনোৱা বুলিও উল্লেখ কৰে।

অভিনেতা সুশান্ত সিং ৰাজপুতৰ মৃত্যুৰ পিছৰে পৰা বলিউডৰ একাংশ প্ৰযোজক, পৰিচালক. অভিনেতা-অভিনেত্ৰীৰ বিৰুদ্ধে সৰৱ হৈ থকা কংগনাই আজি এক টুইটযোগে এই মন্তব্য কৰে।

তেওঁ টুইটোত কয়, ‍‘ইণ্ডাষ্ট্ৰি কেৱল কৰণ জোহৰ/তেওঁৰ দেউতাকে বনোৱা নাই, বাবা ছাহেব ফাল্কেৰ পৰা প্ৰতিগৰাকী কলাকাৰ আৰু শ্ৰমিকে বনাইছে, সেইগৰাকী সেনাই যিয়ে সীমা বচাইছে, সেইজন নেতাই যিয়ে সংবিধান ৰক্ষা কৰিছে, সেইজন লোকে যিয়ে টিকট ক্ৰয় কৰিছে, ইণ্ডাষ্ট্ৰি কোটি কোটি ভাৰতবাসীয়ে বনাইছে’।

इंडस्ट्री सिर्फ़ करण जोहर/उसके पापा ने नहीं बनाई,बाबा साहेब फाल्के से लेकर हर कलाकार और मज़दूर ने बनाई है,उस फ़ौजी ने जिसने सीमाओं को बचाया,उस नेता ने जिसने संविधान की रक्षा की है,उस नागरिक ने जिसने टिकट ख़रीदा और दर्शक का किरदार निभाया,इंडस्ट्री करोड़ों भारतवासीयों ने बनाई है। https://t.co/klkJlqcJ6C

— Kangana Ranaut (@KanganaTeam) September 15, 2020

উল্লেখ্য যে সুশান্ত ৰাজপুতৰ মৃত্যুৰ ঘটনাক লৈ কৰা মন্তব্যৰ বাবে শিৱসেনাৰ ৰোষত পৰাও পৰিলক্ষিত হৈছে বলিউডৰ অভিনেত্ৰী কংগনা ৰাণাৱট।

ইয়াৰ পিছৰে পৰা শিৱসেনা আৰু অভিনেত্ৰী কংগনা ৰাণাৱটৰ মাজত তীব্ৰ বাক-বিতণ্ডা চলি আছে।