পশ্চিম গাৰো পাহাৰৰ পৰা উদ্ধাৰ অসমৰ অপহৃত কিশোৰী

অপৰাধীৰ এটা দলে অসমৰ পৰা অপহৰণ কৰি নিয়া এগৰাকী কিশোৰীক মেঘালয় আৰক্ষীয়ে পশ্চিম গাৰোপাহাৰ জিলাৰ পৰা উদ্ধাৰ কৰিছে।

অসমৰ উজনবাটৰাৰ ১৬ বছৰীয়া ছোৱালীজনীক অভিযোগ অনুসৰি যোৱা ১৯ ছেপ্টেম্বৰত ছয় জনীয়া এটা দলে অপহৰণ কৰিছিল।

দলটোৰ দুজন মেঘালয়ৰ আৰু বাকী চাৰিজন অসমৰ বাসিন্দা বুলি জানিব পৰা গৈছে।

মেঘালয়ৰ অপৰাধী দুজনক  ফুলবাৰী আৰক্ষী থানাৰ অন্তৰ্গত নলবাৰী গাঁওৰ মজিদুৰ ৰহমান আৰু শ্বেৰ আলী বুলি চিনাক্ত কৰা হৈছে।

দলটো জিলাখনৰ ৰাজাবালা আৰক্ষী চকীৰ অন্তৰ্গত ছাকমলত আত্মগোপন কৰাৰ পাছত অসমৰ সুখচৰ আৰক্ষী কৰ্তৃপক্ষই অপহৰণৰ তথ্য আগবঢ়াইছিল।

গাঁওখন হাল্লিদয়গঞ্জ আৰু ৰাজাবালাৰ মাজত অৱস্থিত।

ছাকমলত অপৰাধীকেইজন থকাৰ তথ্য অসম আৰক্ষীয়ে সোমবাৰে পুৱা দিছিল। ইয়াৰ পাছতে ৰাজাবালা আৰক্ষী চকীৰ ভাৰপ্ৰাপ্ত বিষয়াই তালাচী অভিযান চলাই ছোৱালীজনীক উদ্ধাৰ কৰে।

ছোৱালীজনীক তেওঁৰ পৰিয়ালক গতাই দিয়া হৈছে।