তিনিচুকীয়াত ৫০০ বিচনাযুক্ত ক’ভিড কেন্দ্ৰ মুকলি

পাঁচ শ খন বিচনাযুক্ত এই কেন্দ্ৰটোৱে ক’ভিড ৰোগী সকলৰ থকা আৰু চিকিৎসা কৰাৰ ক্ষেত্ৰত যথেষ্ট সুবিধা হ’ব বুলি শ্ৰম মন্ত্ৰী সঞ্জয় কিষানে উল্লেখ কৰে।

উল্লেখযোগ্য যে, পূৰ্বৰে পৰা চাইৰ এই কেন্দ্ৰটোত ক’ৰ’নাত আক্ৰান্ত ৰোগীৰ চিকিৎসা চলি আহিছে। আজি পুনৰ পাঁচ শ খন বিচনাযুক্ত ক’ভিড কেন্দ্ৰ মুকলি কৰা বিষয়টো গুৰুত্বপূৰ্ণ বুলি বিবেচিত হৈছে।

ক’ভিড চিকিৎসা কেন্দ্ৰ মুকলি অনুষ্ঠানত তিনিচুকীয়া জিলাৰ অতিৰিক্ত উপায়ুক্ত মনজিৎ বৰকাকতি, স্বাস্থ্য বিভাগৰ যুটীয়া সঞ্চালক আলটাফ আহমেদ আদি উপস্থিত আছিল ।