টীয়কৰ ৰজাবাৰীত ইণ্টিগ্ৰেটেড পাৱাৰ ডেভেলপমেণ্ট আঁচনিৰ উদ্বোধন

যোৰহাট জিলাৰ টীয়কত স্থাপন কৰা ইণ্ট্ৰিগ্ৰেটেড পাৱাৰ স্ক্ৰীম ডেভেলপমেণ্ট বৈদ্যুতিক পাৱাৰ গ্ৰেটেড আনুষ্ঠানিকভাৱে উদ্বোধন কৰা হয়।

গ্ৰাম্য অঞ্চলৰ দুখীয়া জনসাধাৰণৰ চাৰি হাজাৰ দুশ লোকক সামৰি লোৱা আচঁনিত প্ৰায় ৯ কোটি ৫৯ লাখ ব্যয় সাপেক্ষে নিৰ্মাণ কৰা হৈছে।

উদ্বোধনী অনুষ্ঠানত এই আঁচনিৰ দ্বাৰা বিদ্যুতৰ সমস্যা বহু পৰিমাণে দূৰ হ’ব বুলি মন্তব্য কৰিছে বিষয়ববীয়াসকলে।

টীয়ক আৰু কাকজান বিদ্যুৎ উপ সংমণ্ডলৰ বিষয়া কৰ্মচাৰীৰ উপস্থিত থকা এই কাৰ্যসূচীত বন্তি প্ৰজ্বলন কৰে ৰজাবাৰী অঞ্চলৰ বয়োজ্যেষ্ঠ ব্যক্তি ইন্দ্ৰকান্ত মহন্তই।

বন্তি প্ৰজ্বলনৰ পাছতেই এপিডিচিএলৰ যোৰহাট জিলা সংমণ্ডলৰ অজয় কুমাৰ দাস, আই পিডিএছ দেৱজিত দাস, যোৰহাট বিদ্যুৎ ভৱনৰ জেনেৰেল মেনেজাৰ নাচিম ফকৰুদ্দিন, যোৰহাট এপিডিচিএল উচ্চ বৰ্গৰ বিষয়া প্ৰমুখ্যে ভালেসংখ্যক বিষয়া কৰ্মচাৰী উপস্থিতত মূল গৃহৰ ফিটা কাটি উদ্বোধন কৰা হয়।

উল্লেখযোগ্য যে এই পাৱাৰ ডেভেলপমেণ্ট প্ৰজেক্টটোৱে বৃহত্তৰ অঞ্চলটোৰ এক দীৰ্ঘদিনীয়া সমস্যা দূৰ হ’ব বুলি আশা প্ৰকাশ কৰিছে উপভোক্তাসকলে।