সচেতনা সৃষ্টিৰ লক্ষ্যৰে টীয়কত সংস্কাৰ জাগৰণ যাত্ৰা

প্ৰজ্ঞা ফাউণ্ডেছনৰ উদ্যোগত যোৱা ২৬ ফেব্ৰুৱাৰীৰ পৰা ৪ মাৰ্চলৈকে সমাজত সচেতনতা বৃদ্ধিৰ বাবে সমগ্ৰ অসমতে সংস্কাৰ জাগৰণ যাত্ৰা নামেৰে অসমৰ বিভিন্ন প্ৰান্তত এশটা বিশেষ জনজাগৰণ যাত্ৰা আৰম্ভ কৰিছে।

তাৰে অংশ হিচাপে টীয়কৰ পুৰণাবেংক তিনিআলিত এক জাগৰণ সভা অনুস্থিত কৰা হয় ।

এই অনুষ্ঠানত  অসমৰ অন্যতম জনপ্ৰিয় কৌতুক অভিনেতা অতুল পাচনি উপস্থিত থাকি উপস্থিত ৰাইজক সামাজিক ব্যাধিসমূহৰ পৰা বিৰত থাকিবলৈ আহ্বান জনায়।

উল্লেখযোগ্য যে সংস্কাৰমুখী প্ৰমূল্যবোধেৰে আদৰ্শ পৰিয়াল প্ৰতিষ্ঠা,নিজৰ ভূমি সুৰক্ষাৰ গুৰুত্ব,মাদক দ্ৰব্য বৰ্জন আৰু সমাজ সুৰক্ষা,থলুৱা সংস্কৃতি ঐতিহ্যৰ সুৰক্ষা,প্ৰকৃতি সুৰক্ষা,জৈৱিক কৃষি আৰু গো পালনৰ প্ৰয়োজনীয়তা আদি বিষয়ত ৰাইজক সজাগ আৰু সংস্কাৰ কৰাৰ লক্ষ্যৰে প্ৰজ্ঞা ফাইণ্ডেছনে এই পদক্ষেপ গ্ৰহণ কৰিছে বুলি মন্তব্য কৰিছে উদ্যোক্তাসকলে।