NEET UG 2021-ৰ প্ৰৱেশ পৰীক্ষাৰ দিন ঘোষণা; চাওক সৱিশেষ

মেডিকেলৰ নামভৰ্তিৰ বাবে প্ৰৱেশ পৰীক্ষা চলিত বছৰৰ ১আগষ্টত অনুষ্ঠিত হ’ব। সংযুক্ত মেডিকেল প্ৰৱেশ পৰীক্ষা হৈছে নেশ্যনেল এলিজিবিলিটি কাম এন্ট্ৰেন্স টেষ্ট (NEET UG 202)।

স্নাতক পৰ্যায়ত নামভৰ্তিৰ বাবে পৰীক্ষাৰ দিন ঘোষণা কৰা হৈছে।

বৃহস্পতিবাৰে এই সন্দৰ্ভত এক বিজ্ঞপ্তি প্ৰকাশ কৰিছে নেশ্যনেল টেষ্টি এজেন্সি(এন টি এ)। ইংৰাজী, হিন্দীকে ধৰি মুঠ ১১টা ভাষাত অনুষ্ঠিত হ’ব এই পৰীক্ষা। অনলাইন নহয় অফলাইন পদ্ধতিৰে অনুষ্ঠিত হ’ব এই পৰীক্ষা।

এই প্ৰৱেশ পৰীক্ষাৰ ছিলেবাছ, যোগ্যতা সমন্ধীয়া চৰ্তাৱলী, সংৰক্ষণ, কোন শ্ৰিণীৰ বাবে কিমানখন আসন, কোন কোন চহৰত পৰীক্ষা হ’ব, পৰীক্ষাৰ মাছুল কিমান আদি সকলো তথ্য বিতং বুলেটিনত পোৱা যাব।

অতি শীঘ্ৰেই ntaneet.nic.in ৱেবছাইটত সকলো তথ্য উপলব্ধ হ’ব। বিসদ তথ্যৰ বাবে আগ্ৰহী প্ৰাৰ্থীসকলে সঘনাই ntaneet.nic.in আৰু nta.ac.in ৱেবছাইট চেক কৰি থকা উচিত।

পৰীক্ষাৰ প্ৰপত্ৰ ওলালে এই পৰীক্ষাত বহাৰ বাবে যিসকল শিক্ষাৰ্থীয়ে চৰ্তাৱলী পূৰণ কৰিছে তেওঁলোকে আবেদন কৰিব পাৰিব।

নীটৰ জৰিয়তে MBBS, BDS, BAMS, BSMS, BUMS ও BHMS পাঠ্যক্ৰমত নামভৰ্তিৰ পৰীক্ষা লোৱা হয়।

কৰ’না সংকটৰ মাজতে বিগত বৰ্ষত প্ৰায় ১৫লাখ শিক্ষাৰ্থীয়ে নীটৰ প্ৰৱেশ পৰীক্ষাত অৱতীৰ্ণ হৈছিল যদিও এইবাৰ এই সংখ্যা বৃদ্ধি পোৱাৰ সম্ভাৱনা আছে।