মানুহৰ জীৱনতকৈ নিৰ্বাচন ডাঙৰ নহয়, পশ্চিমবংগত নিৰ্বাচন স্থগিত ৰখাৰ আহ্বান জনালে কংগ্ৰেছে

মানুহৰ জীৱনতকৈ নিৰ্বাচন ডাঙৰ নহয়,অতিমাৰী ক’ৰ’নাৰ সংহাৰৰ সময়ত সেয়ে পশ্চিমবংগত নিৰ্বাচন স্থগিত ৰাখক।

আজি এই আহ্বানেই জনালে পশ্চিমবংগ কংগ্ৰেছে।

দেশৰ মুখ্য নিৰ্বাচন আয়ুক্ত সুশীল চন্দ্ৰালৈ লিখা এখন পত্ৰত বংগ কংগ্ৰেছৰ সভাপতি তথা সাংসদ অধীৰ ৰঞ্জন চৌধুৰীয়ে কয় যে সমগ্ৰ দেশতে এতিয়া ক’ৰ’নাই সংহাৰ চলাইছে।

এই ক্ষেত্ৰত পশ্চিমবংগও ক’ৰ’নাক প্ৰতিৰোধ কৰিব পৰাকৈ সক্ষম নহয়।

সেয়ে এনে পৰিস্থিতিত মুখ্য নিৰ্বাচন আয়ুক্তই নিৰ্বাচনতকৈ মানুহৰ জীৱনৰ কথা আগত ৰাখি সিদ্ধান্ত গ্ৰহণ কৰিব লাগিব।

কোভিডে মুৰ্ছিদাবাদ জিলাত দুজনকৈ নিৰ্বাচনী প্ৰাৰ্থীৰ জীৱন কাঢ়ি নিয়াৰ প্ৰসংগও টৌধুৰীয়ে তেওঁৰ পত্ৰ খনত উল্লেখ কৰে।

এনে পৰিস্থিতিত সেয়া ৰমজানৰ পিছত অথবা কোভিড অতিমাৰী সম্পূৰ্ণ নিয়ন্ত্ৰণলৈ নহা পৰ্যন্ত পশ্চিবংগত নিৰ্বাচন স্থগিত ৰখাৰ বাবে বংগ কংগ্ৰেছৰ সভাপতিগৰাকীয়ে মুখ্য নিৰ্বাচন আয়ুক্তলৈ লিখা পত্ৰত আহ্বান জনায়।