নদীৰ মাজত দুখন নাৱৰ মুখামুখি সংঘৰ্ষ, প্ৰাণ হেৰুৱালে কমেও ২৫জন যাত্ৰীয়ে, ক’ত?

বাংলাদেশত সংঘটিত হৈছে এটা ভয়াৱহ দুৰ্ঘটনা।

সোমবাৰে পদ্মা নদীত দুখন নাৱৰ মাজত হোৱা মুখামুখি সংঘৰ্ষত প্ৰাণ হেৰুৱাই কমেও ২৫ জন লোকে।

উদ্ধাৰ অভিযানত ডুবন্ত নাওখনৰ পৰা পাঁচজন যাত্ৰীক উদ্ধাৰ কৰা হয়।

আৰক্ষীয়ে জনোৱামতে, পুৱা ৭ বজাত দেশখনৰ মধ্যস্থলত অৱস্থিত নাগাদ মাদাৰীপুৰৰ শিৱচৰ উপজিলাৰ বাংলাবাজাৰ ফেৰী ঘাটত এখন বালিভৰ্তি নাৱৰ স’তে সংঘৰ্ষ হয় এখন যাত্ৰীবাহী দ্ৰুতবেগী নাৱৰ।

যাত্ৰী নাওখনত কমেও ত্ৰিশজন যাত্ৰী আছিল।

তাৰে ২৫ জনৰ প্ৰাণহানি হোৱাৰ বিপৰীতে পাঁচজন যাত্ৰীক জীৱিত অৱস্থাত উদ্ধাৰ কৰা হৈছে।

উদ্ধাৰ হোৱা লোককেইজনক চিকিৎসালয়লৈ পঠোৱা হৈছে।

আৰক্ষীয়ে জনোৱামতে, দ্ৰুতবেগী নাওখন মুন্সিগঞ্জৰ শিমুলিয়াৰ পৰা বাংলাবাজাৰ ফেৰীঘাটলৈ গৈ আছিল।

ফেৰীঘাটটোৰ পুৰাতন কাঁঠালবাড়ি ঘাটৰ সমীপত বালিভৰ্তি এখন নাৱৰ স’তে সংঘৰ্ষ হয়।

যাৰ ফলত যাত্ৰীবাহী নাওখন উলটি যায়।