ৰাজ্যত পুনৰ নতুন কোভিড বিধি : সান্ধ্য আইনৰ সময় বৃদ্ধি, দোকান-পোহাৰ খোলাৰ সময় হ্ৰাস
ৰাজ্যৰ কোভিড পৰিস্থিতিৰ উন্নত নোহোৱাৰ পৰিপ্ৰেক্ষিতত ৰাজ্যত পুনৰ নতুন কোভিড বিধি বলৱৎ কৰা হৈছে।
১৬ মে’ৰ পৰা নতুন কোভিড বিধি বলৱৎ কৰা হ’ব। মুখ্য সচিব জিষ্ণু বৰুৱাৰ স্বাক্ষৰিত এক নিৰ্দেশনাৰ যোগে আজি শনিবাৰে এই কথা ঘোষণা কৰা হৈছে।
নিৰ্দেশনাটোত উল্লেখ থকা অনুসৰি দেওবাৰৰ পৰা ৰাজ্যত দিনৰ ১১ বজাতে সকলো দোকান-পোহাৰ তথা ব্যৱসায়িক প্ৰতিষ্ঠান বন্ধ কৰিব লাগিব ব্যৱয়াসীসকলে।
ইফালে দুপৰীয়া ১২ বজাৰ পৰা পিছদিনা পুৱা ৫ বজালৈকে যান বাহনৰ চলাচল সম্পূৰ্ণৰূপে বন্ধ থাকিব সমগ্ৰ ৰাজ্যজুৰি।
অৰ্থাৎ দিনৰ ১২ বজাৰ পৰা পিছ দিনা পুৱা ৫ বজালৈকে সান্ধ্য আইন বলৱৎ হৈ থাকিব।
ইফালে যানবাহন চলাচল কৰাৰ ক্ষেত্ৰত ১৩ মে’ত জাৰি কৰা যুগ্ম-অযুগ্ম সংখ্যাৰ নীতিয়ে প্ৰচলন থাকিব।
আনহাতে পূৰ্বৰ দৰেই স্বাস্থ্যকে আদি কৰি জৰুৰী সেৱাসমূহক ইয়াৰ পৰা ৰেহাই দিয়া হৈছে।
পৰৱৰ্তী নিৰ্দেশনা জাৰি নকৰা পৰ্যন্ত এইসমূহ নতুন কোভিড বিধি বলৱৎ থাকিব বুলিও কোৱা হৈছে নিৰ্দেশনাটোত।
You may also like
ৰাষ্ট্ৰপতি ৰাম নাথ কোবিন্দে আজি ৰাষ্ট্ৰপতি ভৱনত প্রদান কৰে পদ্ম বঁটা
ৰাষ্ট্ৰপতি ভৱনত অনুষ্ঠিত এক বৰ্ণাঢ্য অনুষ্ঠান সোমবাৰে ৰাষ্ট্ৰপতি ৰাম নাথ কোবিন্দে ২০১৯ বৰ্ষৰ পদ্ম বঁটাসমূহ প্ৰদান কৰে। পদ্ম বঁটাৰ বাবে নিৰ্বাচিত দেশৰ…
বিজ্ঞানৰ চমৎকাৰ, মৃত্যুৰ পাছতো জীয়াই থাকিব পাৰিব আপুনি!
অহা ২০৪৫ চনৰ ভিতৰত আপুনি হ’ব পাৰিব অমৰ। মানৱ জাতিক এই অমৰত্ব প্ৰদান কৰাৰ চেষ্টা চলাইছে ৰাছিয়াই। ৰুছ ব্যৱসায়ী ডিমিট্ৰি ইটছকোভৰ উদ্যোগত…
‘ৰাছিয়াত আপোনালোক সম্পূৰ্ণ সুৰক্ষিত’, ভাৰতীয় ছাত্ৰ-ছাত্ৰীক নিশ্চিত কৰিলে ভাৰতীয় দূতাবাসে
‘ৰাছিয়াত আপোনালোক সম্পূৰ্ণ সুৰক্ষিত। সেয়ে ঙীতিগ্ৰস্ত হোৱাৰ কোনো কাৰণ নাই। কোনোৱাই যদি ৰাছিয়া ত্যাগ কৰি ভাৰতলৈ যাব বিচাৰে তেন্তে যাব পাৰে’। এই…
অখিলৰ পিছতে মন্ত্ৰী হিমন্ত এইবাৰ আদালতলৈ যাব স্বৰাজ অসমৰ ভৱেন সন্দিকৈৰ বিৰুদ্ধে
দুৰ্নীতিৰ তথ্য-প্ৰমাণ দাঙি ধৰা অখিল গগৈৰ বিৰুদ্ধে আদালতৰ দ্বাৰস্থ হোৱাৰ পিছতে ৰাজ্যখনৰ প্ৰভাৱশালী মন্ত্ৰী হিমন্ত বিশ্বই এইবাৰ স্বৰাজ অসমৰ ভৱেন সন্দিকৈৰ বিৰুদ্ধেও…