কোভিডত মৃত্যু কটন কলেজৰ দৰ্শন বিভাগৰ প্ৰাক্তন মুৰব্বী অধ্যাপিকা ডঃ জ্যোৎস্না ভট্টাচাৰ্যৰ

কাল কোভিডে প্ৰাণ কাঢ়ি নিলে ৰাজ্যৰ এগৰাকী বিশিষ্ট শিক্ষাবিদৰ ।কটন কলেজৰ দৰ্শন বিভাগৰ প্ৰাক্তন অধ্যাপিকা জ্যোৎস্না ভট্টাচাৰ্যৰ কোভিডত মৃত্যু ঘটিছে।

গুৱাহাটী মহানগৰীৰ নেমকেয়াৰ হস্পিতালত চিকিৎসাধীন অৱস্থাতে মৃত্যু ঘটে প্ৰাক্তন অধ্যাপিকাগৰাকীৰ ।

অসমৰ কেইবাখনো আগশাৰীৰ কাকতত শৈক্ষিক তথা সামাজিক বিষয়ৰ নানান প্ৰবন্ধ লিখি অহা শিক্ষাবিদ ডঃজ্যোৎস্না ভট্টাচাৰ্যই ছাত্ৰ-ছাত্ৰীৰ বাবে দৰ্শনৰ  পাঠ্যপুথি ৰচনা কৰি গৈছে ।

দ্য আছাম ট্ৰিবিউন, দ্য ছেণ্টিনেল আদি কাকতত ডঃ ভট্টাচাৰ্যই শিক্ষামূলক প্ৰবন্ধ মৃত্যৰ আগলৈকে লিখি আছিল। কোভিডত আক্ৰান্ত হোৱাৰ পিছতে বিশিষ্ট শিক্ষাবিদগৰাকীক নেমকেয়াৰ হস্পিতালত ভৰ্তি কৰোৱা হৈছিল যদিও চিকিৎসকৰ অশেষ চেষ্টাৰ পিছতো তেওঁক বচাব পৰা নগ’ল

কটন কলেজৰ দৰ্শন বিভাগৰ প্ৰাক্তন অধৈআপিকা ডঃ জ্যোৎস্না ভট্টাচাৰ্যৰ মৃত্যুত বিভিন্ন জনে শোক প্ৰকাশ কৰি শোকবাৰ্তা প্ৰেৰণ কৰিছে।