মৰণফান্দত পৰিণত কলিয়াবৰৰ ৩২ কোটিটকীয়া এটি পকী পথ

মৰণফান্দত পৰিণত পৰিবৰ্তনকামী চৰকাৰৰ দিনত নিৰ্মাণ হোৱা কলিয়াবৰৰ ৩২ কোটিটকীয়া এটি পকী পথ ।

এই মৰণফান্দ সদৃশ পথটোৰ বাবে যিকোনো মুহূৰ্তত ভয়ংকৰ দুৰ্ঘটনা সংঘটিত হোৱাৰ আশংকা কৰিছে্ স্থানীয় ৰাইজে ।

প্ৰায় ৩২ কোটি টকা ব্যয় সাপেক্ষে কলিয়াবৰৰ হাটবৰৰ ৩৭ নং ৰাষ্ট্ৰীয় ঘাইপথৰ পৰা কঁঠালচাঙলৈকে নতুনকৈ নিৰ্মাণ কৰা হৈছিল এই পকী পথটো।

ঠিকাদাৰে পকী পথটো নিৰ্মাণ কৰাত হেমাহি কৰাৰ বাবেই পকী পথটোত প্ৰকাণ্ড প্ৰকাণ্ড ফাঁট মেলাৰ অভিযোগ কৰিছে স্থানীয় ৰাইজে ।

পকী পথটোত এইদৰে দৈনিক প্ৰকাণ্ড প্ৰকাণ্ড ফাঁট মেলিলে নতুনকৈ নিৰ্মাণ হোৱা দুখনকৈ পকী দলং খহি যোৱাৰ আশংকা প্ৰকাশ কৰিছে স্থানীয় ৰাইজে।

উল্লেখ্য ২০১৯ চনৰ ৪ জুনত স্থানীয় বিধায়ক তথা মন্ত্ৰী কেশৱ মহন্তই কলিয়াবৰ গ্ৰাম্য পথ সংমণ্ডলৰ তত্বাৱধানত এচ , অ, পি, ডি(জি) আঁচনিৰ অধীনৰ এই পথটো নিৰ্মাণৰ কামৰ শুভাৰম্ভ কৰিছিল আৰু পথছোৱাৰ নিৰ্মাণ কাৰ্য সম্পূৰ্ণ হৈছিল ।

৩২ কোটি টকাৰ এই পথছোৱা নিৰ্মাণৰ কাম পোৱা কোম্পানীটোৰ কামৰ গাফিলতিৰ বাবেই পথটোত থকা দুখনকৈ দলঙৰ দুই মূৰৰ সংযোগ মাত্ৰ তিনি মাহতে খহি যোৱা দেখিবলৈ পোৱা গৈছে।

ইয়াৰ বিপৰীতে নিৰ্মাণ কোম্পানটোৰ কৰ্মচাৰীয়ে নিৰ্মাণৰ গাফিলতি নহয়, নতুন মাটি পেলোৱাৰ বাবেই পথছোৱা খহি যোৱা বুলি দায়সৰা মন্তব্যহে কৰা পৰিলক্ষিত হৈছে।